«Հայկական Ժամանակ». Աստծուց հետո 2-րդ մարդը Գագիկ Ծառուկյանն է
Հայկական Մամուլ
«Հայկական ժամանակ»-ը գրում է, որ ՀՀ ԱԺ ընտրությունների շրջանում թիվ 7 ընտրատարածքից, որտեղ առաջադրվել էին Նիկոլ Փաշինյանն ու Սամվել Ալեքսանյանը, ընտրողներից մեկը՝ տարեց մի կին, հայտարարել էր.
«Հիսուսից հետո երկրորդ մարդը Սամվել Ալեքսանյանն է»: Երեկ «պարզաբանվել է», թե ով է Աստծուց հետո 2-րդ մարդը, ու այդ աշխարհացունց պարզաբանման հեղինակը ՀՀ սպորտի ու երիտասարդության հարցերի փոխնախարար, Ծանրամարտի ֆեդերացիայի նախագահ, «Բարգավաճ Հայաստան» կուսակցության անդամ Սամվել Խաչատրյանն է:
Լրատվամիջոցներից մեկի հարցին, թե հրաժարականի դեպքում' կա՞ արդյոք ֆեդերացիայի նախագահի հարմար թեկնածու, պատասխանել է. «Ինձ փոխարինող կլինի: Անփոխարինելի մարդ չկա: Անփոխարինելի միայն Աստված է և այս պահին՝ միայն Գագիկ Ծառուկյանը»:
Նկատելով, որ միգուցե ինչ-որ տեղ բնական է, որ աշխարհում առաջինը պետականորեն քրիստոնեություն ընդունած ժողովրդի «սիրասուն» զավակներ Սամվել Ալեքսանյանն ու Գագիկ Ծառուկյանն են «արժանացել» Աստծուց, Քրիստոսից հետո 2-րդը լինելու պատվին, բայց ամեն դեպքում «ՀԺ»-ն մեջբերում է հատված Աստվածաշնչից. «Աստված, ներիր նրանց, քանի որ չեն հասկանում' ինչ են անում»:
ՈՒՂԻՂ ԵԹԵՐ
Ամենադիտված 
Սուրեն Պապիկյանը պաշտոնից ազատել է «համացանցի հիթ» դարձած վարչության պետին
