«Հայկական Ժամանակ». Ներսես Նազարյանը վերադարձել է արձակուրդից

Երևանի ոստիկանապետ Ներսես Նազարյանը երեկ «ՀԺ»-ի թղթակցին ասել է, որ արդեն վերադարձել է արձակուրդից և անցել է աշխատանքի:

Հարցին՝ առաջիկայում չի՞ հրաժարվելու պաշտոնից, պատասխանել է. «ՉԷ, սա զինվորական պաշտոն է, հրաժարվելու-չհրաժարվելու բան չկա, նշանակովի է»:

Ավելի վաղ տեղեկություն էր տարածվել, որ Նազարյանը արձակուրդից չի վերադառնալու աշխատանքի, քանի որ ազատվելու է պաշտոնից և անցնելու ոստիկանության կադրերի ռեզերվ: Այս տեղեկությունը երեկ, նա այսպես է մեկնաբանել. «Լուրջ չեմ ընդունել այդ լուրերը»։