Իրաքում տեղի ունեցած մի շարք պայթյունների հետևանքով զոհվել է ավելի քան 70 մարդ

Երեկ Իրաքում տեղի ունեցած ահաբեկչական հարձակումների հետևանքով զոհվել է առնվազն 70 մարդ, ավելի քան 250 մարդ վիրավոր է։ 15 քաղաքներում տեղի են ունեցել ականապատված ավտոմեքենաների և ինքնաշեն ռումբերի տասնյակ պայթյուններ։ Միայն Բաղդադում զոհվել է 26 մարդ:

Առավոտյան երկու ռումբ պայթել է Բաղդադում և Սադր քաղաքում։ Իսկ ցերեկը մեքենա է պայթել Դակուկ քաղաքում։ Երբ ոստիկանության աշխատակիցները ժամանել են դեպքի վայր, տեղի է ունեցել երկրորդ պայթյունը։ Երեկոյան զինյլաները հարձակվել են Միշադ քաղաքում գտնվող ռազմական անցակետի վրա։ Այնուհետև ևս մեկ ահաբեկչական հարձակում տեղի է ունեցել Իրաքի մայրաքաղաքում. ռումբը տեղադրված էր պաղպաղակի խանութի մոտակայքում։ Տուժվածների թվում կան երեխաներ:

Նշենք, որ ոչ մի արմատական խմբավորում պայթյունների համար պատասխանատվությունը իր վրա չի վերցրել, հաղորդում է ИТАР-ТАСС-ը: Հիշեցնենք, որ Իրաքում օգոստոս ամսվա սկզբից զոհվել է 198 մարդ։