Թուրքիայում կորոնավիրուսի զոհերի թիվը հասել է 812-ի․ Ermenihaber
Թուրքիա![Թուրքիայում կորոնավիրուսի զոհերի թիվը հասել է 812-ի․ Ermenihaber](/rs.php?image=/disc/09-04-20/245efaaf60a2c4af1c45139b6262d28e.webp&w=780)
Թուրքիայում ապրիլի 8-ի դրությամբ նոր տեսակի կորոնավիրուսից (Covid-19) մահացել է ևս 87 մարդ։ Այս մասին Twitter միկրոբլոգի իր պաշտոնական էջում հայտնել է Թուրքիայի առողջապահության նախարար Ֆահրեթթին Քոջան։
Նախարարը գրառման մեջ նշել է, որ 24 ժամվա ընթացքում իրականացված շուրջ 24․900 թեստերի արդյունքում հաստատվել է կորոնավիրուսով վարակվելու 4․117 նոր դեպք։ Նույն ժամանակահատվածում գրանցվել է վարակակիրների մահվան 87 դեպք, ապաքինվել է ևս 264 մարդ, փոխանցում է Ermenihaber-ը։
Ընդհանուր առմամբ Թուրքիայում համավարակից ապաքինվել է 1․846 հիվանդ։ 1․492 հիվանդ գտնվում է վերակենդանացման բաժանմունքում։
Այսպիսով, ըստ վերջին տվյալների, Թուրքիայում արձանագրվել է կորոնավիրուսով վարակվելու 38․226 հաստատված դեպք և մահվան 812 դեպք։ Ընդհանուր առմամբ կատարվել է 247․768 թեստավորում։
Քոջան նաև հաղորդել է, որ Թուրքիայում համավարակի հաղթահարումը մեծապես պայմանավորված է մեկուսացումով։ Նա կրկին կոչ է արել քաղաքացիներին մնալ տանը։
![](https://lurer.com/banners/armflix.jpg)