«Յուքոմ» և «Բիլայն» ընկերությունների համակենտրոնացման գործընթացը կասեցված է. ՏՄՊՊՀ նախագահ
Տնտեսություն
«ՏՄՊՊ հանձնաժողովը կասեցրել է կայացվելիք բոլոր նիստերը՝ ելնելով արտակարգ դրության ռեժիմից և հանրային առողջության պահպանման անհրաժեշտությունից: Դադարեցվել է նաև «Յուքոմ» և «Բիլայն» ընկերությունների համակենտրոնացման գործընթացը»,- այս մասին ասուլիսի ընթացքում ասաց ՏՄՊՊ հանձնաժողովի նախագահ Գեղամ Գևորգյանը:
Նա նշեց, որ ուսումնասիրման գործընթացը չի ավարտվել, ըստ այդմ՝ համակենտրոնացումը թույլ տալու կամ թույլ չտալու որոշում չի կայացվել։
«Հանձնաժողովն այս պահին չունի որևէ դիրքորոշում, և վարույթն սկսվելուն պես՝ գործընթացը կշարունակենք։ «Յուքոմ»-ում տեղի ունեցած երեկվա իրադարձությունը որևէ կապ չունի հանձնաժողովի որոշման հետ»,-ասաց Գևորգյանը։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
