Ո՞վ կարող է խառնել խաղաքարտերն Արցախում

 

Արցախում կայացած ընտրություններից հետո ոչ պակաս ուշագրավ են դիտորդների արձագանքները: Եթե Հայաստանի կողմից ընտրությունների դիտարկումն անցկացնող պաշտոնական առաքելությունը ընդգծում է ընտրությունների համապաստախանությունը միջազգային բոլոր չափանիշներին, ապա նույնը չենք կարող ասել Արցախ գործուղղված սորոսական դիտորդների մասին: Վերջիններս շարունակում են բարձրաձայնել թերությունների մասին: Դժվար է, իհարկե, այս փուլում ենթադրել, թե ինչ նպատակ ունեն սորոսականները և հետագայում ինչ մարտավարություն կընտրեն, մի բան, սակայն, ակնհայտ է. նրանց պլանավորած սցենարն ի կատար չի ածվել: Հետաքրքիր է նաև, որ Արցախի ԿԸՀ նախագահը ընտրությունների առաջին փուլից հետո ակնարկել էր, որ դիտորդները կողմնապահություն են դրսևորել և ընտրությունների ավարտից հետո ինքն անուններ է հնչեցնելու: Ինչպես ասում են՝ սպասենք և կտեսնենք…