Սիրիայում իշխանական ուժերը կրակել են ապստամբների դիրքերի վրա

Սիրիայում այսօր իշխանական բանակը օդային հարվածներ է հասցրել երկրի տարբեր քաղաքներում տեղակայված ապստամբների դիրքերի վրա։ Ինչպես հայտնում են իրավապաշտպանները, մարտերը ընթանում են Հալեպում և նրա շրջակա տարածքներում, հայտնում է Радио свобода-ն:

Բաշար Ասադի հավատարիմ ուժերը կրակել են Հոմս և Հարեկ քաղաքներում ապստամբների վերահսկողողության տակ գտնվող թաղամասերի վրա։ Երեկ երկրում բռնության զոհ է դարձել 129 մարդ։ ՄԱԿ-ի տվյալներով՝ սիրիացի փախստականների թիվը անցել է 170 հազարը, որոնցից շատերը ապաստան են գտել Թուրքիայում։ ԱՄՆ-ն հայտարարել է, որ պատրաստ է աջակցել Սիրիայում միջազգային պատվիրակ Լահդար Բրահինին, ում պաշտոնավարությունը ՄԱԿ-ը հաստատել է երեկ։ ԱՄՆ-ը պետքարտուղար Հիլարի Քլինթոնի խոսքով՝միջազգային հանրությունը ամեն ինչ արնում է, որպեսզի Սիրիայում կատարվածի մեղավորները դատարանի առաջ կանգնեն։ Բրահիմի նշանակումը ողջունել է նաև Չինաստանը՝ խոստանալով աջակցել Սիրիայում քաղաքական հակամարտությունների կարգավորմանը։ Հիշեցնենք, որ Լահդար Բրահիմը Սիրիայում միջազգային դիտորդի պաշտոնում փոխարինել է Քոֆի Անանին։

Անանը հրաժարական է տվել այն բանից հետո, երբ սիրիական խնդիրը խաղաղ ճանապարհով լուծելու իր առաջարկած ծրագիրը ձախողվել է։