Հրդեհ դիսկոտեկներից մեկում. կան զոհեր և վիրավորներ

Ինչպես հայտնում է Daily Mail-ը, 4 մարդ մահացել, իսկ 11-ը լուրջ մարմնական վնասվածքներ է ստացել Թաիլանդի գիշերային ակումբներից մեկում առաջացած հրդեհի հետևանքով, որը բռնկվել է կայծակի հարվածից:

Ոստիկանությունը դիմել է հյուրանոցների տնօրեններին՝  որպեսզի զեկուցեն կորած հյուրերի մասին: Ոստիկանությունը չի կարողանում պարզել զոհերի ինքնությունը ամբողջովին այրված դիակների պատճառով:

Ենթադրվում է, որ մահացածներից մեկը  ֆրանսիացի է, սակայն դա դժվար է հաստատել, քանի որ  միակ ճանաչված իրը ձեռքի ժամացույցն է:
Ոստիկանության աղբյուրներից մեկը հայտնում է, որ զոհերի թվում 2 ճապոնացի և 1 թաիլանդացի կա: Աշխատակիցը չհաստատեց թաիլանդացու սեռը, քանի որ միակ վկայությունը սիլիկոնե կրծքի իմպլանտն է, իսկ տարածքը հայտնի է մեծ քանակությամբ տրանսսեքսուալ բնակիչներով:

Ըստ նախնական վարկածի հրդեհի պատճառը կայծակն է, որի հետևանքով վնասվել է էլեկտրական գեներատորը: Ըստ ականատեսների՝ այն նման է եղել պայթյունի: Տուժածների թվում են 4 ֆրանսիացի զբոսաշրջիկներ, մյուսների մոտ վնասվածքներն ավելի թեթև են:

{gallery}tailand{/gallery}