Մարկ Ցուկերբերգը մի օրվա ընթացքում 600 միլիոն է կորցրել

Ամենամեծ սոցիալական ցանցի բաժնետոմսերի գներն իջել են պատմական մինիմումի: Գների նվազման հետևանքով սոցիալական ցանցի հիմնադրի օրական եկամուտը նվազել է 600 մլն ԱՄՆ դոլարով:

Երեկ՝ օգոստոսի 17-ին, բորսայական առևտրի սկսելուց անմիջապես հետո Facebook սոցիալական ցանցի բաժնետոմսերի գները նվազել էին 7%-ով՝ հասնելով 19.69 ԱՄՆ դոլարի: Օրվա վերջում փորձեր էին կատարել բարձրացնել բաժնետոմսերի գները, սակայն մեկ բաժնետոմսի հաշվով հաջողվել էր գինը բարձրացնել մինչև 19.87 ԱՄՆ դոլար:

Շուկայի վրա ազդեցություն ունեցավ միայն այն, որ հինգշաբթի վերջացել էր 271.1 մլն դոլարի բաժնետոմսի երեքամսյա կալանքը: Վաճառքի ենթակա բաժնետոմսերի քանակն ավելացել էր 60%-ով: Ներկա պահի դրությամբ, ըստ Bloomberg գործակալության տվյալների, Մ. Ցուկերբերգի կարողությունը գնահատվում է 10. մլրդ ԱՄՆ դոլար, որը միլիարդատիրոջ համար ամենացածր ցուցանիշն է:

Ըստ The Facebook Effect գրքի հեղինակ Դեյվիդ Կիրպատրիկի՝ կարողության նվազեցումը մեծ ազդեցություն չի ունենա Ցուկերբերգի վրա, սակայն կստիպի նրան՝ ավելի աչալուրջ նայել իրավիճակին։ Այս մասին հայտնում է РИА Новости-ն: «Facebook-ի ապագան վստահություն չի ներշնչում շուկայում»,-ասել է Կիրպատրիկը: Բորսայական շուկա դուրս գալուց անմիջապես հետո Facebook-ի մնացած խոշոր բաժնետերերը նույնպես վնասներ են կրել:

Օրինակ՝ Դասթին Մոսկովիցը, որին պատկանում են Facebook սոցիալական ցանցի 133.7 մլն բաժնետոմսերը, մի քանի օրվա ընթացքում կորցրել է մոտ 2.4 մլրդ ԱՄՆ դոլար, իսկ Էդուարդ Սավերինի բաժնետոմսերի փաթեթի արժեքը նվազել է 960 մլն. ԱՄՆ դոլարով: Քրիստաֆոր Հյուզը, ում պատկանում էր Facebook-ի 22 մլն բաժնետոմս, կորցրել է 400 մլն. ԱՄՆ դոլար:

Հիշեցնենք, որ Facebook սոցիալական ցանցի բաժնետոմսերը բորսայում առաջին անգամ տեղաբաշխվել են այս տարվա մայիս ամսին: Այդ ժամանակ Facebook-ի մեկ բաժնետոմսը գնահատվում էր 38 ԱՄՆ դոլար: Մայիսից հետո բաժնետոմսերի գները նվազել են գրեթե կիսով չափ: Ըստ 2012թ.-ի երկրորդ եռամսյակի արդյունքների՝ Facebook-ի հասույթը կազմել է 1.18 մլրդ ԱՄՆ դոլար, որը, նախորդ տարվա նույն ժամանակաշրջանի համեմատ, ավելացել է մոտ 30%-ով, սակայն ընկերության մաքուր վնասը կազմել է 157 մլն ԱՄՆ դոլար: