Ձմեռային Փառատոն Հայաստան 2011. բնապահպանական տոնածառերի ցուցահանդես-մրցույթ

Անցկացվում է Ձմեռային Փառատոն Հայաստան 2011-ի շրջանակում կազմակերպվող` բնապահպանական տոնածառերի ցուցահանդես-մրցույթ:

Մրցույթին ներկայացվող բոլոր տոնածառերը Ձմեռային Փառատոն Հայաստան 2011-ի օրերին՝ դեկտեմբերի 24-ից 27-ը, կցուցադրվեն Երևանի սիրահարների այգում (Պողոսյան պարտեզներ):

Այս միջոցառման նպատակն է խրախուսել բնական ծառերի պահպանումը` փոխարինելով դրանք արհեստական, վերամշակման ենթակա նյութերից պատրաստված տոնածառերով:

Համապատասխան ոլորտի ներկայացուցիչներից կձևավորվի ժյուրի, որի որոշմամբ` ընտրված լավագույն տոնածառի հեղինակին կտրամադրվի մրացանակ՝ «Բեսթ Վեսթերն Փարադայս Հոթել Դիլիջան»-ի կողմից` 2 հոգու համար նախատեսված երկօրյա հանգիստ Դիլիջանում: Ցուցահանդես-մրցույթի շրջանակում հատուկ մրցանակ կշնորհվի նաև Պողոսյան Պարտեզների կողմից:

Ցուցահանդես-մրցույթին մասնակցելու համար տոնածառը պետք  է համապատասխանի հետևյալ չափանիշներին՝

1. Յուրահատուկ ստեղծագործական մոտեցում.
2. Բնապահպանական ուղղվածություն.
3. Վերամշակված կամ վերամշակման ենթակա նյութերի կիրառում.
4. 1,5-3 մ բարձրություն:

Մասնակցության հայտերն ընդունվում են մինչև 2011 թ.-ի դեկտեմբերի 20-ը: