Սոցիալական բողոքի ցույց Թել-Ավիվում՝ առանց իշխանությունների թույլտվության

Մոտ 200 մարդ է հավաքվել Թել-Ավիվում՝ մասնակցելու սոցիալական անարդարության դեմ ուղղված բողոքի ցույցին: Հաղորդում է MIGnews.com կայքը: 

Ցուցարարները բողոքում են իսրայելական հասարակության ներկա դիրքի և կառավարության կողմից դեմոկրատիային հասցվող հարվածի դեմ: 

Ցուցարարներն Ազրիելի առևտրի կենտրոնի մոտակայքում երթ են կազմակերպել՝ ձեռքներին թավաներ և կերակրաթասեր: «Չկա արդարություն: Չկա հավասարություն: Ամոթ կառավարությանը», - գոռում են ցուցարարները:

Ցույցի անցկացման վայրում են ոստիկանության մի քանի տասնյակ աշխատակիցներ, քանի որ ցույցն անցկացվում է առանց իշխանությունների թույլտվության:

Ցուցարարներից մեկը ձերբակալվել է: