Ասանժն իր աջակցությունն է հայտնել Pussy Riot-ին և շնորհակալությունը՝ Էկվադորի նախագահին

Լոնդոնում գտնվող Էկվադորի դեսպանատան պատշգամբից Ջուլիան Ասանժը հանդես է եկել հրապարակային հայտարարությամբ։ Նա շնորհակալություն է հայտնել Էկվադորի նախագահին և դեսպանատան աշխատակիցներին՝ իրենց ցուցաբերած աջակցության համար։ Այս մասին հայտնում է BBC–ն։

Ասանժը պահանջել է ԱՄՆ նախագահ Օբամայից դադարեցնել ՀԴԲ կողմից իրականացվող Wikileaks գործով հետաքննությունը, ինչպես նաև դադարեցնել ամբողջ աշխարհում ԶԼՄ–ների նկատմամբ իրականացվող հետապնդումները։

Նա նաև իր աջակցությունն է հայտնել ռուսական Pussy Riot պանկ–խմբին։