Երեկ Տրիպոլիում տեղի ունեցած պայթյուններից հետո ձերբակալվել է Կադաֆիի 32 կողմնակից

Լիբիայի իշխանությունները հայտարարել են երկրի նախկին ղեկավար Մուամմար Կադաֆիի կոմնակիցների ցանցի 32 անդամի ձերբակալման մասին` կիրակի օրը Տրիպոլիյում տեղի ունեցած պայթյունների հետ կապված։ Նախկին Ռազմական ակադեմիայի և ներքին գործերի նախարարության դիմաց ականապատված ավտոմեքենաների պայթեցման հետևանքով զոհվել է երկու մարդ:

Նշենք, որ Կադաֆիի մահից հետո սա Լիբիայիում տեղի ունեցած առաջին պայթյունն էր, որ հանգեցրեց զոհերի։ Այն մասին, որ Կադաֆիի կողմնակիցների և Տրիպոլիյում տեղի ունեցած պայթյունների միջև ուղիղ կապ կա, Reuters գործակալությանը հայտնել են Անվտանգության գերագույն կոմիտեյում, որը ստեղծվել է որպես հատուկ ծառայություն՝ նոր ձևավորված կառավարությանը կից։

Հիշեցնենք, որ պայթյունները տեղի են ունեցել կիրակի օրը առավոտյան՝ ռազմական ակադեմիայի դիմաց։ Պայթյունների զոհ է դարձել երկու մարդ, ևս 4-5 մարդ վիրավոր է։ Երկրի ներքին գործերի նախարարության մոտ տեղի ունեցած երկրորդ պայթյունի հետևանքով ոչ ոք չի տուժել: