ՔՊ-ական քաղաքապետերի «սրտացավությունը». իսկ ի՞նչ անեն հասարակ քաղաքացիները

Հայաստանում կորոնավիրուսի համաճարակով պայմանավորված՝ ամենաբարձր մակարդակով որոշումներ են կայացվում՝ հնարավոր բոլոր միջոցներով աջակցել քաղաքացիներին, ովքեր ֆինանսապես տուժել են ստեղծված իրավիճակից: Հասկանալի է, որ դա վերաբերվում է ինչպես ֆիզիկական, այնպես էլ իրավաբանական անձանց: Սակայն ՔՊ-ական քաղաքապետերը, կարծես, այնքան էլ մտադրված չեն հետևել վերևներից եկող հրահանգներին և զբաղված են տույժ-տուգանքներ շաղ տալով: Տույժ տուգանքներով, սակայն, ամեն ինչ չէ, որ ավարտվում է. շաղ է տրվում նաև համայնքային բյուջեն: Այն էլ՝ շաղ է տրվում բավական հետաքրքիր և ուշագրավ կերպով: Դիցուք՝ Արմավիրի քաղաքապետի որոշմամբ՝ «Գուդվիլ» ՍՊԸ-ի նկատմամբ վարչական վարույթ է վերսկսվել և որոշվել է գույքի բռնագանձման պահանջ ներկայացնել: Սա այն դեպքում, երբ ՍՊԸ-ին ամեն կերպ աջակցելու քաղաքականություն է որդեգրված: 

Էջմիածնի քաղաքապետարանը նույնպես հետ չի մնում: Այն պահին, երբ ամբողջ երկիրը գտնվում է սոցիալ-տնտեսական, ֆինանսական լրջագույն ճգնաժամի մեջ, քաղաքապետարանում գույքահարկի պարտքեր են բռնագանձում, այն էլ՝ միլիոնների հասնող: Այսպես, մի քաղաքացուց բռնագանձվել է 643 հազար 290 դրամ, մեկ այլ քաղաքացուց բռնագանձվել է 790 հազար 50 դրամ:

Միևնույն ժամանակ քաղաքապետը որոշել է նաև լավություն անել քաղաքի բուժաշխատողներին և վերջիններիս համար 180 հազար դրամի կեքս է պատվիրել: Իհարկե, գովելի է նման ուշադրությունը, սակայն տրամաբանական է, որ բուժաշխատողների կյանքը կարելի էր քաղցրացնել նաև ֆինանսական օգնություն տրամադրելով: 
306240 դրամով հողամաս է վաճառվել մի քաղաքացու, ով գրանցված է այն նույն հասցեում, ինչ 2012-ին Էջմիածնի ավագանու անդամ հանդիսացող անձը:

Բացի այդ՝ ազգանունը տվյալ անձի համընկնում է ներկայիս ավագանի՝ Դավիթ Կոնդյանի ազգանվան հետ: 

Էլ ավելի հետաքրքիր փաստեր են ի հայտ գալիս, երբ ավելի խորն ենք փորում: Դավիթ Կոնդյանի հետ նույն հասցեում է գրանցված քաղաքացի Գոհար Ինջիղուլյանը, իսկ բուժաշխատողների համար նախատեսված կեքսերը, ինչպես գիտենք, գնվել են Սուսաննա Ինջիղուլյանից: Բացի այդ՝ 240 հազար դրամ էլ հատկացվել է տորթերի և ձեռք են բերվել դրանք նույնպես Սուսաննա Ինջիղուլյանից

Մարտի 8-ի կապակցությամբ նախատեսվող ֆուրշետի համար էլ քաղաքապետարանը 100 հազար դրամ է տրամադրել Կարմեն Ինջիղուլյանին: 

Քաղաքապետի մեկ այլ որոշմամբ գազալցակայան կառուցելու թույլտվություն է տրվել Աշոտ Միրզոյան ԱՁ-ին: 

Ուշագրավն այն է, որ Էջմիածնի ավագանու անդամ է Միրզոյան Արամայիս Աշոտը: Ինչպես տեսնում ենք՝ այս դեպքում էլ ակնհայտ է ավագանու անդամի ընտանիքի անդամին «լավ աչքով» նայելու փաստը: 

Այս թեմայով Կորոնավիրուսի ժամանակ 829 կեղծ պատմագրի հիման վրա ԱՆ–ից հափշտակվել է 263 մլն 480 հազար դրամ Հունաստանում COVID-ի դեպքերի աճի պատճառով՝ խորհուրդ է տվել նորից դիմակներ կրել ՀՀ-ում կորոնավիրուսի շտամներ են շրջանառվում Աշխարհում ավելացել է COVID-19-ով հիվանդացության դեպքերի թիվը Սպիտակ տանը զգուշացրել են ԱՄՆ-ում կորոնավիրուսի նոր ալիքի հավանականության մասին. Washington Post