Նոր Հայաստանի խուլիգանական բարքերը

Հայաստանի նոր ԱԺ-ն շատերն են անվանում հեղափոխական և նոր որակի: Ցավոք, դեպքերը, որ գրանցվում են խորհրդարանի պատերի ներսում, լուրջ կասկածի տակ են դնում վերոնշյալ պնդումները:  Թերևս չկա նիստ, որ չարձանագրենք հերթական՝ պատգամավորին, պետական բարձր պաշտոնյային ոչ վայել պահվածքի դրսևորում: Եվ զարմանալին այն է, որ նոր որակի խորհրդարանը անգամ չի ցանկանում քննության առնել այդ դեպքերը և պատժել , պատասխանատվության ենթարկել մեղավորներին: Չէ որ առկա է էթիկայի հանձնաժողով ստեղծելու հնարավորությունը, սակայն մինչ օրս, նոր որակի խորհրդարանում նման հանձնաժողով չի գումարվել՝ յուրայինների լեզվակռիվները, ծեծկռտուքները կոծկում են ինչպես կարող են՝ հեղափոխական ջանասիրությամբ: Թվարկենք այն բոլոր դեպքերը, որոնց արդյունքում նոր խորհրդարանը իր որակով սկսել է ոչնչով չտարբերվել քուչի բեսեդկայից:

Ալեն Սիմոնյանի և Էդմոն Մարուքյանի հայհոյախառն լեզվակռիվը։

Ռուբեն Ռուբինյանի և Էդմոն Մարուքյանի լեզվակռիվը։

Գևորգ Գորգիսյանի և Մխիթար Հայրապետյանի լեզվակռիվը։

Անկախ պատգամավոր Արման Բաբաջանյանի և ԲՀԿ խմբակցության միջև վեճը, որը գրեթե վերածվել էր ծեծկռտուքի։

ԱԺ պաշտպանության, անվտանգության, ներքին գործերի մշտական հանձնաժողովի նիստում բախվել էին Գևորգ Գորգիսյանը և Քրիստինե Պողոսյանը։

Ծեծկռտուք ԱԺ-ում՝ Սասուն Միքայելյանի և Էդմոն Մարուքյանի միջև