Սիրիայում զոհվել է ճապոնացի լրագրող

Սիրիայի խոշոր քաղաքներից Հալեպում զոհվել է ճապոնացի լրագրող Միկա Յամամատոն, հայտնում է Սիրիայում Ճապոնիայի դեսպանությունը։

Տվյալների համաձայն՝ Յամամատոն զոհվել է Սուլեիմանիա թաղամասում տեղի ուենցած կրակոցների հետևանքով, հայտնում է BBC Russian-ը։
Հիշեցնենք, որ Սուլեիմանիա թաղամասում շաբաթներ շարունակ տեղի են ունենում հակամարտություններ սիրիական ապստամբների ու իշխանական զորքերի միջև։

Սիրիայի իրավապահների տվյալներով՝ մի քանի օր է, ինչ անհայտ կորածների թվում են նաև Թուրքիայի ու Լիբանանի լրագրողները և մի արաբ լուսանկարիչ, ով աշխատել է ամերիկյան մեդիաների համար։
Յամամատոն Սիրիայում մահացած առաջին արտասահմանցի լրագրողը չէ։ Փետրվարի վերջին Հոմս քաղաքում ռմբակոծության հետևանքով զոհվել են Ֆրանսիայի ու ԱՄՆ-ի լրագրողները։ Սիրիայի կառավարությունը հայտարարել է, որ իրենք տեղյակ չեն եղել երկրում արտասահմանյան լրագրողների գոյության մասին։

Հիշեցնենք, որ Սիրիայում հակամարտությունը սկսվել է 2011 թվականի մարտից, որի հետևանքով զոհերի թիվը, ՄԱԿ-ի ներկայացուցիչների տվյալներով, 18 հազար մարդ է։