Օբաման զգուշացնում է Սիրիային չկիրառել քիմիական զենք
ԱՄՆ
ԱՄՆ-ի նախագահ Բարաք Օբաման նախազգուշացրել է Դամասկոսին, որ Սիրիայի՝ քիմիական զենքի կիրառումը կլինի այն «կարմիր գիծը», որից հետո ԱՄՆ-ն կարող է վերանայել իր դիրքորոշումը և միջամտել հակամարտությանը, հայտնում է BBC Russian-ը։
Օբամայի խոսքով՝ ինքը մինչև այժմ ոչ մի հրահանգ չի տվել ռազմական միջամտության վերաբերյալ։
ԱՄՆ-ի նախագահը նաև ընդգծել է, որ եթե քիմիական զենքի կիրառման կամ փորձարկման ականատես լինեն, ապա դրա հետևանքները վիթխարի չափերի կհասնեն։
Սպիտակ տանը լրագրողների հետ զրույցի ժամանակ Օբաման նաև հայտարարել է, որ քիմիական զենքի օգտագործումը հակամարտությունը դուրս կբերի Սիրիայի սահմաններից։
«Դա միայն Սիրայի ներքին խնդիրը չէ, դա կազդի տարածաշրջանում մեր համախոհների վրա (ներառյալ Իսրայելը)՝ դրանով իսկ ազդելով նաև մեզ վրա»,- նշել է Օբաման։
Նշենք, որ Սիրիան աշխարհում չորրորդ տեղն է զբաղեցնում քիմիական զենքի զինանոց ունենալու մեծությամբ։
Հուլիսին Սիրիայի արտգործանախարարության մամլո քարտուղարը հայտնել է, որ այդ զենքը երբեք չի կիրառվի երկրի տարածքում։ Սակայն ԱՄՆ-ն ոչ պաշտոնական տվյալներով տեղեկացել է, որ Սիրայում արդեն սկսվել են քիմիական զենքի փոխանցումները։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
