Փաշինյանի մոռացված հայտարարությունները և 100 փաստերը. ինչ է հրամցնում ժողովրդին կառավարությունը

Վարչապետ Նիկոլ Փաշինյանի այսօրվա ասուլիսը, որտեղ վերջինս ներկայացնում էր Նոր Հայաստանի մասին փաստերի չորրորդ մասը, պատմական էր: Սակայն, ոչ փաստերի բացառիկությամբ և ձեռքբերումների որակով, այլ՝ վարչապետի ուղիղ եթերը դիտողների քանակով: Բանն այն է, որ Փաշինյանի ասուլիսը դիտում էին լավագույն դեպքում՝ 3000 օգտատեր, ինչն ակնհայտ հետընթաց է, եթե հաշվի առնենք, որ նախկինում վարչապետի ներկայացրած 100 փաստերով հետաքրքրված էին 40 հազար և ավել մարդ:

Իսկ գուցե պատճառը հենց փաստերի մեջ է: Բանն այն է, որ այս ասուլիսը հետընթաց էր ոչ միայն այն դիտողների թվով, այլ ներկայացված փաստերի հիմնավոր լինելով: Նիկոլ Փաշինյանը հաջողացրել է կառավարության ձեռքբերում համարել Տավուշում ընձառյուծի հայտնվելը, օնլայն դասավանդումը, սեփական կնոջը ակտավորելը, կամ բենզինի գնի նվազումը: Հատկապես վերջինը որևէ աղերս չունի Հայաստանի կառավարության գործունեության հետ, քանի որ պայմանավորված էր նավթի միջազգային շուկայում տեղի ունեցող զարգացումներով: Այս անգամ 100 փաստի մեջ ջուրը ավելին էր, քան երբևէ և գուցե դա է պատճառը, որ մարդիկ պարզապես նախընտրել են ժամանակը տրամադրել առավել կարևոր բաների վրա: Հատկապես, որ վարչապետի ասուլիսից այնպիսի տպավորություն էր, որ երկրում տեղի ունեցող բոլոր դրական պրոցեսները պայմանավորված են կառավարության գործունեությամբ, իսկ բոլոր ձախողումները և բացթողումները՝ հանրության մեղքով են: Եթե դրան էլ գումարենք վարչապետի քաղաքական ամնեզիայի պոռթկումները՝ հասկանալի կդառնա՝ որտեղից է ի հայտ գալիս նման ցածր վարկանիշը: Վարչապետը չի հիշում, որ երբևէ խոսել է կորոնավիրուսը պինցետով և արաղով վերացնելու, մաքրելու մասին: Դիցուք՝ 

Վարչապետը նաև պնդում է, որ ասֆալտին տալու, պատերին ծեփելու, գլուխներ ցխելու մասին հայտարարություններ չի արել: 

Ըստ էության, Փաշինյանը հրաժարվեց ոչ միայն պինցետի և պատերին ծեփելու մասին արված իր նախկին հայտարարություններից, այլ նաև՝ սահմանադրական հանրաքվեից: Արդեն իսկ հասկանալի է, որ այն կկայանա ոչ շուտ, քան մեկ տարի անց: Ստացվում է՝ անգամ վարչապետ Փաշինյանն է «ՈՉ» ասում իր իսկ նախաձեռնած «ԱՅՈ»-ի շարժմանը և հասկանալով, որ նմանատիպ 100 փաստ ժողովրդին հրամցնելուց հետո հանրաքվեում ձայների մեծամասնություն ստանալը քաղաքական ֆանտաստիկայի ժնարից է՝ որոշել է այլ տարբերակներ մտածել ՍԴ-ից ազատվելու համար… 

Այս թեմայով Ցանկացած ճգնաժամ գիտելիքի պակասից է, մեր բոլոր պրոբլեմների լուծման բանալին կրթությունն է. Նիկոլ Փաշինյան Ամեն անգամ, երբ թվում է՝ ցինիզմը, այնուամենայնիվ, սահմաններ ունի, Փաշինյանը հակառակն է ապացուցում. Սուրեն Սուրենյանց Ինչու Փաշինյանը արհամարհեց Բայդենի «հրաժեշտի» ընդունելությունը․ Սուրեն Սարգսյան Փաշինյանի և Ալիևի հնարավոր հանդիպման հարցը կախված է բացառապես նրանցից․ Լավրով Ցավալի է, որ խորանի առջևից հետևում է Ամենայն Հայոց դավաճանը՝ մարդ, ում «ջանքերով» պղծվել են տասնյակ ու տասնյակ օծյալ խորաններ. Ռուբեն Մելիքյան