Ձերբակալվել են՝ Բուդդայի արձանը համբուրելու համար

Շրի–Լանկայի դատարանը դատապարտել է ֆրանսիացի 3 զբոսաշրջիկների 6-ամսյա պայմանական ազատազրկման և պարտավորեցրել տուգանք վճարել 1.5 հազար ռուփիի չափով (11 ԱՄՆ դոլար) Բուդդայի արձանին վիրավորանք հասցնելու համար։ Ինչպես հայտնել է Ֆրանս Պրեսը, 3 ֆրանսիացիներ՝ 2 կին և 1 տղամարդ, Կանդի քաղաքում որոշել էին լուսանկարվել Բուդդայի արձանի հետ՝ միևնույն ժամանակ տղամարդը փորձել է կանգնել արձանի դիրքով, իսկ ֆրանսուհիներից մեկն էլ՝ համբուրել արձանի շուրթերը։

Այնուհետև, քաղաքի լուսանկարչատներից մեկի աշխատակիցները, զբոսաշրջիկների լուսանկարները տպելիս, տեսել են վերոհիշյալ նկարները և դիմել ոստիկանություն։ Այդ լուսանկարները, ըստ ոստիկանության, վիրավորել են լուսանկարչատան աշխատակիցների կրոնական զգացմունքները։