Երևանի քաղաքապետն այցելել է գեղանկարիչ և քանդակագործ ուսանողների մրցույթ-ցուցահանդես

Երևանի քաղաքապետ Տարոն Մարգարյանն այցելել է Նկարիչների միությունում տեղի ունեցած գեղանկարիչ և քանդակագործ ուսանողների մրցույթ-ցուցահանդես:

Քաղաքապետը շրջել է ցուցասրահում և ծանոթացել երիտասարդներ արվեստագետների աշխատանքներին:

Հայաստանի հանրապետական կուսակցության և Երևանի գեղարվեստի պետական ակադեմիայի կազմակերպած ուսանողական ցուցահանդեսին մասնակցել են բազմաբնույթ ցուցադրությունների, միջազգային մրցույթների մասնակից, Երևանի գեղարվեստի պետական ակադեմիայի՝ գեղանկարի, գրաֆիկայի, քանդակի և կերամիկայի բաժիններում ուսանող երիտասարդ ստեղծագործողներ:

Մրցույթ-ցուցադրությունն ավարտվել է բուհի մոդելավորող ուսանողների ստեղծած հագուստների ցուցադրությամբ: