Պուտինի վրա մահափորձ կատարած Օսմաևը քաղաքական ապաստարան է խնդրել Վրաստանից. Օսմաևի կին

Վլադիմիր Պուտինի նկատմամբ մահափորձ կատարելու մեջ մեղադրվող Ադամ Օսմաևը քաղաքական ապաստարան է խնդրել Վրաստանից։ Այս մասին ԶԼՄ-ներին հայտնել է Օսմաևի  քաղաքացիական կինը՝ Ամինա Օկուևան։ Նրա խոսքով՝ վրացական կողմին է փոխանցվել համապատասխան փաստաթղթերը և այժմ սպասում են պատասխանի։

Օկուևան նշել է, որ եթե Վրաստանը մերժի, ապա նման խնդրանքով հնարավոր է դիմեն Ֆինլանդիայի իշխանություններին, հայտնում է BBC Russian-ը։

Նշենք, որ Ուկրայինան հրաժարվել է Օսմաևին քաղաքական ապաստարան տալու հարցը նույնիսկ քննարկել։
Հիշեցնենք, որ Օսմաևին ձերբակալել են փետրվարի 4-ին։

Ուկրայինայի գլխավոր դատախազությունը Օսմաևի էքստրադիցիայի վերաբերյալ որոշում է ընդունել, սակայն գործընթացը կանգնեցվել է որոշ ժամանակով, քանի որ մեղադրյալը դիմել է Մարդու իրավունքների եվրոպական դատարանին։