«Դվին» հյուրանոցի մասշտաբային նախագծի իրականացումը հնարավոր է շուտով կասեցվի (տեսանյութ)

«Աչքիս Դվինի պրոյեկտը սառեցրին, հազիվ նորմալ փող էինք աշխատում»,- այս մասին  իր ֆեյսբուքյան էջում գրել է օգտատերերից մեկը՝ կից հրապարակելով տեսանյութ: Տեսանյութում վերակառուցվող «Դվին» հյուրանոցի սեփականատեր Արտակ Թովմասյանը հրավիրված ժողովի ժամանակ աշխատակիցներին տեղեկացում է՝ թեև նախագծի բյուջեն սպառվել է, բայց ինքը պատրաստ է իր գրպանից վճարել բոլորի աշխատավարձերը՝ միայն թե անհարմարություն չպատճառի նրանց. «Ամեն ինչ կախված է կառավարությունից, եթե աջակցի, կհաղթահարենք այս վիճակը և կշարունակենք հյուրանոցի վերակառուցումը, եթե չաջակցի, պետք է բանկերի հետ բանակցելու ուղիներ գտնենք: Ինչ վերաբերում է աշխատավարձերին, ապա ես իմ գրպանից տալու եմ բոլորի գումարները»,- ասում է Թովմասյանը:

Նշենք, որ «Դվին» հյուրանոցային համալիրի վերակառուցման ներդրումային ծրագիրը հավանության էր արժանացել դեռևս նախորդ կառավարության կողմից, սակայն նոր իշխանության օրոք, կարծես թե, տապալվում է. նախագիծը գնում է կասեցման: Բանն այն է, որ նախագծի իրագործման համար պատրաստակամություն հայտնած ներդրողները, արտակարգ իրավիճակով պայմանավորված, հրաժարվում են ֆինանսավորումից, որի հետևանքով հյուրանոցի շինաշխատանքները ստիպված են դադարեցնել: Թեև ծրագիրը ներդրումային է, բայց հյուրանոցային համալիրի ղեկավարությունը պատրաստ է իր միջոցները ներդնել մասշտաբային նախագիծը իրագործելու համար: