Կարի մեքենայից մինչև օդորակիչ և կահույք. 2020-ի ճոխ գնումները

Կառավարության ոչ մի նիստ չի անցնում առանց՝ «յուրաքանչյուր լումա պետք է ծախսվի նպատակային» բաժակաճառի, սակայն այդպե՞ս է դա արդյոք իրականում, լսո՞ւմ են Նոր Հայաստանի պետական մարմինները վարչապետի հորդորները, թե՞ շարունակում են մսխել հարկատուների գրպանից ձևավորվող բյուջեն: 

2019-ին այս առումով ավելի շատ է ծախսվել՝ 120 միլիարդ դրամ, մինչդեռ 2018 թվականի առաջին եռամսյակում՝ ընդամենը 103 միլիարդ դրամ: Մեկ անձից կատարված պետգնումներն 2018-ին կիսամյակում կազմել են 41.3%, մինչդեռ 2019-ի 1-ին կիսամյակին մեկ անձից՝ ոչ մրցակցային գնումները կազմել են մոտ 71%: «Սա խոշոր մասնաբաժին է, իսկ 2018 թվականի 1-ին կիսամյակում այն կազմել է 55%: Սա մտահոգիչ ցուցանիշ է: Սակայն, սա դեռ ամենը չէ, ներկայացուցչական ծախսերն էլ հետաքրքիր են. ընդհանուր 121,3 միլիոն դրամի 46 պայմանագիր է կնքվել, ամենախոշոր գնումը կատարել է ԱԳՆ-ն՝ «Էքսպո մեդիա» ՍՊԸ-ի հետ 19,9 մլն դրամի պայմանագիր է կնքել:

Իսկ ի՞նչ թանկարժեք և կարելի է ասել՝ ոչ պարտադիր ծախսեր են կատարել գերատեսչությունները և համայնքները 2020-ի ընթացքում: Դիցուք՝  

Վայոց ձորի մարզպետարանը 30 հազար դրամով գնել է լվացարաններ: 

ՀՀ հանրային ծառայությունները կարգավորող հանձնաժողովը 300 հազար դրամանոց բազկաթոռ է գնել և 296,000 դրամի պատուհան տեղադրել: 

ՀՀ միջուկային անվտանգության կարգավորման կոմիտեն, որի գոյության մասին քաղաքացիները ընդհանրապես չգիտեն,  շուրջ 344,200 դրամի գրենական պիտուք է ձեռք բերել: 

ՀՀ դատախազությունը 203,000 դրամի աղբամաններ է գնել և 1,000,000.00 ՀՀ դրամի օդորակիչ: 

ՀՀ տարածքային կառավարման եւ ենթակառուցվածքների նախարարության միգրացիոն ծառայությունը 50 հազար դրամի օճառ և զուգարանի թուղթ է գնել: 

ՀՀ արդարադատության նախարարությունը 78 հազար դրամի, մեղմ ասած, ճոխ նոթատետր է գնել: 

ՀՀ դատական դեպարտամենտը շուրջ կես միլիոն դրամով շարժիչի յուղ է ձեռք բերել՝ մեկ անձից գնում կատարելով: 

ՀՀ քաղաքաշինության կոմիտեն 799 հազար դրամի մեդալներ և կրծքանշաններ է ձեռք բերել: 

Մարդու իրավունքների պաշտպանի աշխատակազմը 80 հազար դրամով հորիզոնական շերտավարագույր,125,000 դրամի բազկաթոռներ, 89,900 դրամի հեռուստացույց, 48,310 դրամի սպասք, 480,000 ղեկավարի բազկաթոռ, 74,028 դրամի թեյնիկ է գնել: 

ՀՀ պետական վերահսկողական ծառայությունը 50 հազար դրամով կախիչ է ձեռք բերել: 

Գեղարքունիքի մարզպետարանը Սաֆորա ՍՊԸ-ից 3 միլիոն դրամի Ալկոհենդ է ձեռք բերել: 

ՀՀ աշխատանքի եւ սոցիալական հարցերի նախարարության սոցիալական ապահովության ծառայությունը 14 միլիոն դրամ է ծախսել կարճ հաղորդագրությունների (SMS) ուղարկման ծառայությունների վրա: 

Երևանի քաղաքապետարանը 1,787,500.00 ՀՀ դրամ է ծախսել A4 ֆորմատի թուղթ գնելու համար, ինչպես նաև 569,947.50 ՀՀ դրամով գնել է մեկանգամյա օգտագործման բաժակներ: 

Ճամբարակի համայնքապետարանը 600 հազար դրամով կարի մեքենա է գնել: 

ՀՀ էկոնոմիկայի նախարարությունը 2,962,500.00 ՀՀ դրամի վնասատուների դեմ պայքարի ծառայություն է գնել: 

ՀՀ ԱԺ-ն 580,000.00, 2,020,000.00 և 580,000.00 ՀՀ դրամով գնել է խորհրդակցությունների սենյակի կայույք: 

Վարչապետի աշխատակազմը 128,283,750.00 դրամի իրավական խորհրդատվական-տեղեկատվական ծառայություններ է գնել: 

էջմիածնի քաղաքապետարանի 2020 թվականի գնումների պլանում բազմաթիվ գնումների մեջ տեղ է գտել նաև մի շարք կենցաղային գնումներ, գազավորված ըմպելիք, ուտելիք: Այսպիսով, ըստ գնումների պլանի՝ նախատեսված է 34 հատ գազավորված ըմպելիք, չորս հատ քյաբաբ, տասը հատ շաուրմա, երկու բաժին ֆրի, ընդեղեն: 

Այս թեմայով ՈՒՂԻՂ․ Մայր Տաճարի վերաօծման արարողությունն ավարտվեց. պաշտոնյաները հեռանում են «Մենք հիշում ենք զոհերին՝ նրանց, ովքեր կորցրել են կյանք, տուն և հարազատներ». ԵՄ պաշտոնյա Չինացի պաշտոնյան աշխատանքի է ընդունել իր 58 սիրեկաններին Չինացի պաշտոնյան աշխատանքի է ընդունել իր 58 սիրեկաններին Չինացի պաշտոնյան աշխատանքի է ընդունել իր 58 սիրեկաններին