Պաշտոնյաների՝ շաբաթվա ամենասկանդալային գրառումները

Երևանի ավագանու «Իմ քայլը» խմբակցության անդամ Իզաբելլա Աբգարյանը ֆեյսբուքյան իր էջում գրել է. «Չի կարելի, չի կարելի մարդկանց վախեցնել՝ վերակենդանացման բաժանմուքի, ինտուբացիայի մասին սարսափներ ՖԲ-ում գրելով: Հո սադիստ չե՞ք: Ի՞նչ եք ուզում: Ուզում եք մարդիկ, դա պատկերացնելով, թաքուն պահեն հիվանդությունը ու նախընտրեն տանը մահանա՞լ:Երեկ քնելուց առաջ մի նման գրառում հայտնվեց ֆիդումս՝ նկարներով «համեմված» իբր չհավատացողների համար:Կլինի՞ մեզ՝ հավատացող ու տեղից զգուշավորությունից արդեն հոգեխանգարվածներիս հանգիստ թողնեք, էլ ավելի չընկճեք: Հերիք է»: 

ՀՀԿ խոսնակ Էդուարդ Շարմազանովը ֆեյսբուքյան իր էջում գրել է. «Ազգային շահերի պաշտպանությունն ու քաղաքական անմեղսունակությունն անհամատեղելի են։Ադրբեջանի պաշտոնական քարոզչամեքենան Փաշինյանի պապին ֆաշիստների աջակից ու կոլաբորացիոնիստ է համարում, իսկ Նիկոլն Ալիևին՝ կիրթ, նորմալ ու կառուցողական։ Ամոթ է, խելքի աշեցեք»։ 

ԱՆ Արսեն Թորոսյանը ֆեյսբուքյան իր էջում գրել է. «Պատմությունը կրկնվելու սովորություն ուն102 տարի առաջ, երբ ամբողջ աշխարհում մոլեգնում էր իսպանական գրիպի պանդեմիան, որը 2 տարում սպանեց մոտ 50 մլն մարդու, կրկին կային անհատներ և խմբեր, ովքեր դիվերսիա էին անում հանրային առողջության հանդեպ՝ կոչեր անելով չկրել դիմակներ։ Այդպիսի խմբակներից մեկը Հակադիմակային լիգան էր, որ գործում էր ԱՄՆ-ում։Փաստորեն դավադրապաշտամոլությունը 100 տարում շատ քիչ է փոխվել և շատ լավ օգտագործվում է տարբեր ձախողված անձանց կողմից»: 

ԱԺ «Լուսավոր Հայաստան» խմբակցության պատգամավոր Արմեն Եղիազարյանը ֆեյսբուքյան էջում գրել է. «Այս էլ որերորդ անգամն է, երբ Լոռու մարզպետի աթոռը զբաղեցրած անձը հանցագործության կամ հանցագործի մասին հայտարարություն է անում։ Կարծում եմ, որ ՀՀ Ոստիկանությունը կրկին անգամ պետք է հասկանա՝ կոնկրետ ինչ հանցագործության մասին է խոսքը, երբ մարզպետը օգտագործում է «կավատներ» արտահայտությունը։ՀՀ ոստիկանությոʹւն, կա՛մ հետամուտ եղեք այս մարդու՝ հանցագործությունների մասին հայտարարություններին, կա՛մ ֆիքսենք, որ ասվել է հերթական անպատասխանատու արտահայտությունը»: 


Վատիկանում Հայաստանի նախկին դեսպան, Սերժ Սարգսյանի փեսա Միքայել Մինասյանը ֆեյսբուքյան իր էջում գրել է. «Որքան եփես, ականջները, միևնույն է, հում են մնում: Ու այս անմակարդակ խփնվածը պնդում է, որ ինքն առաջնո՞րդ է։ Երկրի անվտանգության երաշխավո՞ր: Երկիրը համավարակից պաշտպանո՞ղ: Լո՞ւրջ: Իսկ միայն այսօր մենք ունենք 12 մահ: 12 մարած ճակատագիր: 12 որբացած ընտանիք: Իսկ թիվ մեկ պատասխանատուն շաղգամ է խաղում: Ցավալի է: Շատ»: 

ԱԺ «Իմ քայլը» խմբակցության պատգամավոր Սոնա Ղազարյանը ֆեյսբուքյան իր էջում գրել է. «Այն, որ թիրախավորելու էին, գիտեի, որ խոսքս կտրելու էին, դա էլ գիտեի ու պատրաստ էի, բայց որ խարույկի վրա այրելու կոչեր էին լինելու, դա նորություն էր, այն էլ՝ «Լուսավոր Հայաստան» կուսակցության անդամի կողմից: Խորհրդարանական ուժի կողմից դա արդեն նորություն է, թե բա՝ Քադաֆիի խորհրդարան չեն թույլ տա դարձնեք: Մի հատ ձեր կուսակցության անդամին կարգի հրավիրեք»: 

Այդ գրառմանը արձագանքել էր Լուսավոր Հայաստանից Աննա Կոստանյանը:

Հետ չէր մնացել նաև «Իմ քայլ»-ից Նազելի Բաղդասարյանը՝

ՀՀ Առողջապահության նախարարի մամուլի խոսնակ Ալինա Նիկողոսյանը ֆեյսբուքյան էջում գրել է․ «Ինչպես աղավաղել իրականությունը: Որոշ լրատվամիջոցներ սկսել են շահարկել, թե լաբորատոր հետազոտությունները կատարվում են «ընտրյալ լաբորատորիաների» միջոցով: Կորոնավիրուսի դեմ պայքարի շրջանակներում պետության հետ համագործակցությամբ և անվճար հիմունքներով իրականացնում են «Հիվանդությունների վերահսկման և կանխարգելման ազգային կենտրոն» ՊՈԱԿ-ը, «ՁԻԱՀ-ի կանխարգելման հանրապետական կենտրոն» ՊՈԱԿ-ը, «Նորք» ինֆեկցիոն կլինիկական հիվանդանոց ՓԲԸ-ն և «Նատալի ֆարմ» ՍՊԸ-ն՝ բժշկական ցուցումով»: Կրկնում ենք՝ ԱՆՎՃԱՐ ՀԻՄՈՒՆՔՆԵՐՈՎ»: 

ՀՀ առողջապահության նախարար Արսեն Թորոսյանը ֆեյսբուքյան իր էջում գրել է. «Հաջորդիվ պարոն Գորգիսյանը կխոսի 5G աշտարակներով չիպավորելու, սոդայով քաղցկեղ բուժելու և հարթ երկրագնդի տեսությունների (Flat Earth) մասին»: 

Այս թեմայով ՀԻՄԱ․ Բարձրաստիճան պաշտոնյանները Երևանում են․ ընթանում է 3-րդ Եվրասիական Տնտեսական համաժողովը Երկուշաբթի Հակակոռուպցիոն դատարան կներկայանան ՀՀ երկրորդ նախագահ Ռոբերտ Քոչարյանը, նախկին փոխվարչապետն ու այլ պաշտոնյաներ․ գործի վերսկսում Երկուշաբթի Հակակոռուպցիոն դատարան կներկայանան ՀՀ երկրորդ նախագահ Ռոբերտ Քոչարյանը, նախկին փոխվարչապետն ու այլ պաշտոնյաներ․ գործի վերսկսում Երկուշաբթի Հակակոռուպցիոն դատարան կներկայանան ՀՀ երկրորդ նախագահ Ռոբերտ Քոչարյանը, նախկին փոխվարչապետն ու այլ պաշտոնյաներ․ գործի վերսկսում Հայաստանում բոլոր գժանոցները պետք է փակել, որովհետև դրանց կլիենտներն այլևս բարձրաստիճան պաշտոնյաներ են․ Սուրեն Սուրենյանց