«Առավոտ». ՍԻՊ-ը կատարում է փոստատարի գործառույթ

«Քաղաքացու իրավունքների պաշտպան» ՀԿ-ի ղեկավար Կարեն Հեքիմյանը մայիսի 23-ին դիմել է մարդու իրավունքների պաշտպան Կարեն Անդրեասյանին' խնդրելով արձանագրել իր խախտված իրավունքները և միջոցներ ձեռնարկել խախտողներին պատասխանատվության ենթարկելու համար: Ըստ «Առավոտ»-ի' նա մասնավորապես բարձրացնում էր այն խնդիրը, որ 2012թ. մայիսի 6-ին տեղի ունեցած խորհրդարանական ընտրություններից 15 օր անց ինքը նկատել է, որ Երևանի թիվ 12/03 տեղամասային ընտրական հանձնաժողովի կողմից իր անձնագրում դրված ԿԸՀ մակագրությամբ դրոշմակնիքը չի անհետացել: Ուստի ՄԻՊ-ին ուղղված դիմումում Կ. Հեքիմյանը գրել է. «Համաձայն ՀՀ ընտրական օրենսգրքի 66 հոդվածի 5-րդ կետի' «Անձը հաստատող փաստաթղթի դրոշմակնքման համար տեղամասային ընտրական հանձնաժողովին հատկացվում է այնպիսի նյութ, որն օգտագործեուց հետո առնվազն 12 ժամ պահպանվում է, իսկ հետո' անհետանում»: ՀՀ Աժ մայիսի 6-ին կայացած ընտրություններից անցել է շուրջ 20 օր, սակայն իմ անձնագրում դրված դրոշմակնիքը մինչ այժմ չի անհետացել: Գտնում եմ, որ դրանով խախտվել է ՀՀ Սահմանադրության 4-րդ հոդվածը (հոդվածը քվեարկության գաղտնիության մասին է' խմբ.), ինչպես նաև ՀՀ ընտրական օրենսգրքի 66 հոդվածի 5-րդ կետը»:

Aravot.am-ի հետ զրույցում Կ. Հեքիմյանը ներկայացրել է գործի նոր մանրամասներ և, անդրադառնալով ՄԻՊ-ի գործունեությանը, նշել. «ՍԻՊ-ն, ըստ իս, կատարում է փոստատարի գործառույթ: Մարդիկ դիմում են նրան' վկայակոչելով ինչ-որ հոդվածներ, որոնք խախտվել են, իսկ ՄԻՊ-ը փոխարենը հստակ անդրադառնա այդ հարցին, դիմում է ինչ-որ այլ մարմինների: Ուստի գտնում եմ, որ մեզ այդպիսի ՄԻՊ-ի ինստիտուտ պետք չէ, քանի որ դա ոչնչով չի տարբերվում «Հայփոստից»: