Ավստրիայի Ազգային Խորհուրդը վավերացրել է ՀՀ-ԵՄ համաձայնագիրը

Ավստրիայի Ազգային Խորհուրդը միաձայն վավերացրել է ՀՀ-ԵՄ Համապարփակ և ընդլայնված գործընկերության համաձայնագիրը։ Այս մասին «Ֆեսյբուք»-ի իր էջի գրառմամբ տեղեկացրել է ՀՀ Ազգային ժողովի «Իմ քայլը» խմբակցության անդամ Վիկտոր Ենգիբարյանը։

Նա իր գրառման մեջ ներկայացրել է Ավստրիայի Ազգային Խորհրդի Ավստրիա-Հարավային Կովկաս պատգամավորական խմբի նախագահ Գունդրուն Քուգլերի ելույթի տեսագրությունը և ոչ պաշտոնական թարգմանությունը, որը ներկայացվում է ստորև։

«Հարգելի գործընկերներ,

Որպես Ավստրիա-Հարավային Կովկաս պատգամավորական խմբի նախագահ, որը Ադրբեջանի և Վրաստանի հետ ներառում է նաև Հայաստանը, ցանկանում եմ անդրադառնալ օրակարգի առաջին հարցին, որը վերաբերվում է ԵՄ և Հայաստանի միջև ՀԸԳՀ (CEPA) համաձայնագրի վավերացմանը։

Հայաստանի հետ մեզ կապում են դարավոր բարեկամական հարաբերություններ։ Հավանաբար շատերը Հայաստանը ճանաչում են «Ռադիո Երևան»-ի կատակներից, սակայն դա շատ քիչ է՝ Հայաստանը առաջարկելու շատ բան ունի։ Այս համաձայնագիրը, որի կողմերն են ԵՄ-ն և Հայաստանը, և որը վավերացնում են ԵՄ անդամ երկրներն, ունի երկու ուղղվածություն, որից առաջինը՝ ժողովրդավարության ուժեղացումն է։ Շատերը կհիշեն 2018թ.-ին Հայաստանում տեցի ունեցած հեղափոխությունը, որը կոչվեց «Թավշյա»՝ երբ երկրի այն ժամանակվա ղեկավարի սահմանադրական փոփոխության մի հնարքով իր հետագա պաշտոնավարումը ապահովելու ցանկությունը հանգեցրեց բողոքի ցույցերի։ Այդ ցույցերը խաղաղ էին։ Հայաստանին պետք է շնորհավորել դրա համար, քանի որ մինչ այդ նման բնույթի ցույցեր չէին եղել։ Տեղի ունեցան վարչապետի ազատ ընտրություններ, ինչը ողջունելի էր ԵԱՀԿ-ի կողմից։ Վարչապետ Նիկոլ Փաշինյանը կես տարի անց հրաժարական տվեց նոր խորհրդարանական ազատ ընտրություններ ապահովելու համար, ինչը նույնպես ողջունվեց ԵԱՀԿ-ի կողմից։ Հայաստանը մեծ առաջընթաց է առձանագրում ժողովրդավարական ռեֆորմների, կոռուպցիայի դեմ պայքարի, դատաիրավական համակարգում սահմանադրական բարեփոխումների գործընթացում։

Համաձայնագրի երկրորդ կարևոր բաղադրիչն ազատ առևտուրն է՝ Հայաստանը հատուկ դերակատարում ունի ԵԱՏՄ և ԵՄ միջև հարաբերություններում։ Այն ԵԱՏՄ անդամ է։ ՀԸԳՀ-ի վավերացմամբ մեծանում են ԵԱՏՄ-ի հսկա տարածաշրջանում Ավստրիական ընկերությունների մուտքի հնարավորությունները։ Հայաստանի համար երկու ուղղություններով լավ հարաբերությունները կարևոր են։ Հայաստանը աշխարհագրորեն բարդ դրության և ծանր հակամարտության մեջ է իր երկու հարևանների հետ։ Երկրում բնակվում են 3 մլն մարդ, ևս 3 մլն հայեր բնակվում են Եվրոպայում, որոնցից 5.000-ը Ավստրիայի քաղաքացի են։ Արդեն նշեցի մեր բազմադարյա կապի մասին։ Շուրջ 200 տարի, Վիեննայի ՆՈՅՇԹԻՖԹԳԱՍՍԷՈՒՄ է գտնվում Մխիթարյան Միաբանության եկեղեցին՝ իր հրաշալի թանգարանով և գրադարանով։ Վիեննայում է գտնվում նաև Հայ եկեղեցու Եվրոպայի թեմի Եպիսկոպոսի նստավայրը։ Համագործակցության առումով Հայաստանը մեզ համար կենտրոնական երկիր է։ Ելույթս ավարտեմ 1915-16թթ. տեղի ունեցած Ցեղասպանության մասին խոսքով։ Ցավոք, ոչ բոլոր պետություններն են ճանաչել Ցեղասպանությունը։ Երևանում Ցեղասպանության հուշահամալիրում փողփողում են Ցեղասպանությունը ճանաչած 32 պետությունների դրոշները։ Դրանց թվում հպարտությամբ տեսնում ենք նաև Ավստրիայի դրոշը։ Դրա համար շնորհակալություն պետք է հայտնենք մեր նախորդ գումարման խորհրդարանի խմբակցություններին։ Հայաստանի համար շատ կարևոր է Ցեղասպանության ճանաչումը։ Մեզանից շատերը Ցեղասպանության մասին գիտեն Ֆրանց Վերֆելի «Մուսա Լեռան 40 օրը» վեպից։ Երբ ես այն առաջին անգամ կարդում էի առաջնեկիս ծննդից հետո հիվանդանոցում, բժիշկն ինձ ասաց, որ դա ամենաճիշտ գիրքն է քաղաքական գործչի համար։ Այժմ, ամեն տարի ապրիլի 24-ին Վիեննայի Շիլլեռի անվան այգում ծաղիկներ են խոնարհվում Ֆրանց Վերֆելի գերեզմանին։ Վստահ եմ, որ այսօր օրակարգում գտնվող վավերացման ենթակա 7 համաձայնագրերի շարքում կվավերացվի նաև ՀՀ-ԵՄ միջև համափարփակ և ընդլայնված համագործակցության մասին համաձայնագիրը»։