Իսրայելի արտգործնախարար. «Մահմուդ Աբբասը ավելի վտանգավոր է, քան ՀԱՄԱՍ-ի ահաբեկիչները»

Իսրայելի արտգործնախարար Ավիգդոր Լիբերմանը օգոստոսի 23-ին հայտարարել է, որ Պաղեստինի նախագահ Մահմուդ Աբբասը իր երկրի համար ավելի վտանգավոր է, քան ՀԱՄԱՍ-ի ահաբեկիչները։ Ինչպես գրում է The Jerusalem Post-ը՝ նախարարը նման հայտրարաություն է արել տեղական ռադիոկայաններից մեկին տված հարցազրույցում։

Լիբերմանի խոսքով՝ Մահմուդ Աբբասը զբաղվում է «քաղաքական ահաբեկչությամբ», որը Իսրայելի համար ավելի վտանգավոր է, քան ՀԱՄԱՍ-ի զինված ահաբեկիչները։

Լիբերմանին նաև դուր չի գալիս, որ Աբբասը միակողմանիորեն ջանք է գործադրում, որ ՄԱԿ-ը  ճանաչի Պաղեստինի անկախությունը, ինչպես նաև հրաժարվում է ընտրություններ անցկացնել Արևմտյան ափում ու չի վերահսկում Գազան։

Իսրայելում Լիբերմանը մեծ ճանաչում ունի հակառակորդ պետությունների ու ղեկավարների հասցեին հնչեցրած կտրուկ արտահայտությունների համար։ Մահմուդ Աբբասն ու իր ղեկավարած Պաղեստինի Հանրապետությունը պաշտոնապես Իսրայելի համախոհն է Մերձավոր Արևելքում խաղաղություն հաստատելու գործընթացում։ Սակայն իրականում վերջին ամիսներին երիրների միջև բանակցություններ չեն ընթանում։