Նարեկ Զեյնալյանը մասնագիտական քննարկումներ է սկսել. կազմվել է COVID-19 դեմ պայքարի համալիր ծրագիր

ԱԺ առողջապահության և սոցիալական հարցերի մշտական հանձնաժողովի նախագահ Նարեկ Զեյնալյանը ֆեյսբուքյան իր էջում գրել է. «Պարետատան նիստերին իմ մասնակցության շուրջ տարատեսակ մեկնաբանություններ և հարցադրումներ են հնչել, այդ իսկ պատճառով որոշեցի անդրադարձ կատարել այդ հարցին։ Պարետատունն է որոշում ում հրավիրել մասնակցելու նիստերին և վարչապետի հրավերով արդեն մոտ մեկ շաբաթ է մասնակցում եմ պարետատան նիստերին։ Այլ մեկնաբանություններն ու ձևակերպումները համարում եմ անտեղին։ Նշեմ նաև, որ առաջարկել եմ ստեղծել մասնագիտական խումբ՝ որպես մասնագիտական քննարկման հարթակ և ստացել եմ Վարչապետի համաձայնությունը։ Շաբաթ օրը ԱԺ-ում կազմակերպվել է մասնագիտական քննարկում, որի արդյունքները ամփոփվել են և կազմվել է COVID-19 դեմ պայքարի համալիր ծրագիր՝ կազմված մի քանի ռազմավարական ուղղություններից»։

Հիշեցնենք, որ «Ժողովուրդ» թերթը գրել էր, թե «ԱԺ «Իմ քայլը» խմբակցության պատգամավոր, Առողջապահության և սոցիալական հարցերի մշտական հանձնաժողովի նախագահ Նարեկ Զեյնալյանը մեկ շաբաթ է, ինչ մասնակցում է պարետատան նիստերին: Ավելին, նա այդ նիստերին մասնակցում է վարչապետ Նիկոլ Փաշինյանի հրավերով: Գաղտնիք չէ, որ Նարեկ Զեյնալյանի ու ՀՀ առողջապահության նախարար Արսեն Թորոսյանի հարաբերությունները լարված են, և պարբերաբար դրա ականատեսն ենք եղել ԱԺ հանձնաժողովների կամ լիագումար նիստերի ժամանակ: