Սահմանադրության և Մարդու իրավունքների կոնվենցիայի խախտումներ. Փաշինյանը կպատժվի՞

Վարչապետ Նիկոլ Փաշինյանն իր էջում շարունակում է համաճարակի պայմաններում պարետի սահմանած կանոնները խախտող անձանց լուսանկարներ հրապարակել, սակայն վերջին շրջանում ավելի ու ավելի հաճախ է ակնհայտ դառնում այն հանգամանքը, որ վարչապետը ոչ միայն զբաղված չէ իր բուն գործառույթներով, այլ մի բան էլ օրենք է խախտում: Բանն այն է, որ այդ ֆոտոշարքերով Նիկոլ Փաշինյանը խախտում է ՀՀ Սահմանադրության 34-րդ հոդվածը, Մարդու իրավունքների Եվրոպական կոնվենցիայի 8-րդ հոդվածը, անձնական տվյալների պաշտպանության մասին ՀՀ օրենքի հոդվածներ 4, 5, 8, 9 ,18 ,19, 26-ը: Բացի այդ, ինքը՝ Նիկոլ Փաշինյանն, էր հայտարարում, որ կեղծ լուրեր, ապատեղեկատվություն տարածելը ոչ այլ ինչ է, քան հարված ազգային անվտանգությանը: Իսկ ի՞նչ է անում ինքը՝ Փաշինյանը: Դիցուք՝ վարչապետն իր էջում տեղադրել էր լուսանկար, որն, ըստ իր տեղեկությունների, արվել էր նույն օրը, Սաղմոսավանքում: 

Տեր Օշին Քահանա Հայրապետյանն իր ֆեյսբուքյան էջում անմիջապես հերքում է այդ տեղեկությունը:

 

Հունիսի չորսով Փաշինյանը տեղեկություն է տարածում, որ Երևանում հենց հիմա գերբեռնված հուսահատության գազելներ են երթևեկում: 

Պարզվեց, որ այդ լուսանկարը նախորդ տարվա է : Վարչապետն այն ջնջեց: 

Վարչապետի գրառումները լուրջ հարված են հասցնում նաև բիզնեսին, տնտեսվարողների գործարար համբավին: Այսպես, վարչապետը տեղադրել էր մի լուսանկար, որում ռեստորանային համալիրը անուղղակի կերպով մեղադրվում էր կարանտինի կանոնները խախտելու մեջ: Լուսանկարը կրկին հին էր:

Մեկ այլ ռեստորանային համալարի էլ Փաշինյանը մեղադրեց ընդհատակյա հարսանիք կազմակերպելու մեջ: 


Պատասխանը չուշացավ, ռեստորանային համալիրը հորդորեց երկրի ղեկավարին ապատեղեկատվություն չտարածել և չարատավորել իր գործարար համբավը: 


Ի՞նչ է ստացվում. թերևս Հայաստանն այսօր միակ երկիրն է, որտեղ բիզնեսին օգնելու, օժանդակելու փոխարեն իշխանության թիվ մեկ ներկայացուցիչը դեռ մի բան էլ հաջողացնում է վնասել այդ բիզնեսին, հարվածել վերջինիս բարի համբավին:  Օրենքի խախտումը ենթադրում է նաև պատասխանատվություն, արդյո՞ք ժամանակը չէ, որպեսզի իրավապահ համակարգն ապացուցի իր անկախությունը և համապատասխան պատասխանատվության կանչի քաղաքացի Նիկոլ Փաշինյանին...

Այս թեմայով Ցանկացած ճգնաժամ գիտելիքի պակասից է, մեր բոլոր պրոբլեմների լուծման բանալին կրթությունն է. Նիկոլ Փաշինյան Ամեն անգամ, երբ թվում է՝ ցինիզմը, այնուամենայնիվ, սահմաններ ունի, Փաշինյանը հակառակն է ապացուցում. Սուրեն Սուրենյանց Ինչու Փաշինյանը արհամարհեց Բայդենի «հրաժեշտի» ընդունելությունը․ Սուրեն Սարգսյան Փաշինյանի և Ալիևի հնարավոր հանդիպման հարցը կախված է բացառապես նրանցից․ Լավրով Ցավալի է, որ խորանի առջևից հետևում է Ամենայն Հայոց դավաճանը՝ մարդ, ում «ջանքերով» պղծվել են տասնյակ ու տասնյակ օծյալ խորաններ. Ռուբեն Մելիքյան