Դամասկոսում կառավարական զորքերի և ապստամբների միջև բախումները շարունակվում են. Al Arabiya

Դամասկոսից 7 կմ հեռավորության վրա կատաղի մարտեր են ընթանում կառավարական զորքերի և ապստամբների միջև, հաղորդում է Al Arabiya-ն:Սիրիական զորքերը վաղ առավոտից հակաահաբեկչական գործողություններ են անցկացնում Դամասկոսի հարավային արվարձաններում։ Կառավարական զորքերի և այսպես կոչված Սիրիական ազատ բանակի ապստամբների միջև մարտերը ընթանում են Դարայա արվաձանի հարևանությամբ՝ քաղաքից 7 կմ հեռավորության վրա։

Գիշերը, ըստ հեռուստակայանի, Դամասկոսի հարավային ծայրամասերը ենթարկվել են ուժգին հրետանային գնդակոծության։ Հորդանանի կողմից Դամասկոս տանող մայրուղու հարևանությամբ մարտական գործողությունները ամեն վայրկյան մեծ ծավալների են հասնում։

Մուտքը դեպի քաղաք հարավային և հարավարևմտյան կողմից արգելափակված է։ Զինված ապստամբները կրկին ներթափանցել են Քադամ, Նահր Այշա և Հաջր ալ-Ասվադ, որտեղ վերջերս իրականացվել էին մի շարք զինված հարձակումներ։

Սիրիական ռազմաօդային ուժերի ուղղաթիռները գնդակոծում են Հիրաքեի, Մուադամիի, Սաբինեի և հարավային Դերայա գավառի այլ բնակավայրերի ռազմական բազաները։ Անցյալ օրը, ըստ AFP-ի, հակամարտության զոհ է դարձել Սիրիայի 71 քաղաքացի, մահացել է նաև 31 զինծառայող և 9 ապստամբ։