Սիրիայի ընդդիմության անունից հայտարարությունը պրովոկացիա՞ էր

Սիրիայի ընդդիմության անունից հայտարարությունը, ամենայն հավանականությամբ, պրովոկացիա է, չի բացառվում՝ Թուրքիայի կողմից։

Lurer.com-ին զրույցում նման ենթադրություն հայտնեցին դիվանագիտական շրջանակներից: Իրավիճակն այս առումով Սիրիայում մնում է ոչ հստակ, թեև չի բացառվում առաջիկա ժամերին որոշակիության հաստատումը:

Մեր զրուցակիցները նախ ուշադրություն են հրավիրում այն փաստին, որ հայկական լրատվամիջոցների՝ սիրիական աղբյուրների հղումով լուրի մեջ հիշատակված՝ «Սիրիայի Հեղափոխության գերագույն խորհուրդ» անունով կառույց գոյություն չունի:

Հստակ չէ նաև Սիրիայի ազատ բանակի կողմից հայտարարության տարածման հանգամանքը: Ըստ որոշ տվյալների՝ նման հայտարարություն կա, բայց որքանով է այն Սիրիայի ազատ բանակի պաշտոնական հայտարարությունը, դեռևս պարզ չէ:

Ենթադրվում է, որ առաջիկա ժամերին այս առումով ավելի մեծ հստակություն կմտցվի:

Ն.Մ.