Չինական նորակառույց կամրջի փլուզումից զոհվել է 3 մարդ

Չինաստանում միլիոնավոր դոլարների արժողությամբ կամրջի մի մասը (կամուրջը գործարկվել էր նոյեմբերին) փլվել է. 3 մարդ մահացել է, 5-ը՝ վիրավորվել,- հաղորդում է BBC-ն՝ հղում անելով տեղական լրատվամիջոցներին:

4 բեռնատար մեքենա վայր է ընկել Հեիլոնգջիանգ նահանգի Հարբին քաղաքի Յանգմինգթան կամրջից, երբ այն փլուզվել է,- հաղորդում է «Xinhua» լրատվական գործակալությունը: Կամրջի ցածրորակ կառուցումն ու գերբեռնվածությունն են եղել պատահարի պատճառը,- հավելում է նա:

Պաշտոնյաները հայտարարել են, որ նրանք կուսումնասիրեն, թե արդյոք վագոնները չեն եղել գերբեռնված:

Կամրջի կառուցումը, որը ձգվում էր Սոնգհուա գետի 15.42 կմ երկայնքով, ավարտվել է 9 ամիս առաջ և արժեցել է 1.88 մլրդ յուան ($286 մլն),- հաղորդում է «Xinhua»-ն: Ըստ նրա՝ սա Չինաստանում 6-րդ խոշոր կամրջի փլուզումն է՝ 2011թ. հուլիսից ի վեր:

Կամրջի 100 մետրանոց զառիվայր հատվածը փլվել է, ինչի արդյունքում բեռնատար մեքենաները ընկել են գետնին. Սան Քինջը՝ Հարբինի շինարարական հանձնաժողովի պաշտոնյան, համաձայն «Xinhua»-ի մեջբերման, ասել է, որ զառիվայրը թեքվել է մի կողմի վրա և փլվել-թափվել է գետնին:

Ինչպես Հարբին քաղաքի ինքնակառավարման մարմինների պաշտոնյաներն են «People's Daily» էլեկտրոնային թերթին մամլո ասուլիսի ժամանակ հայտնել՝ վագոնները սնունդ և քար էին տեղափոխում: Նրանք հավելել են, որ կամուրջն ու քաղաքային այլ ճանապարհներ ստուգման կենթարկվեն: