Խորհրդային հայտնի խմբի առաջին մենակատարը ավտովթարի է ենթարկվել Ստավրոպոլում և մահացել

Այսօր՝ վաղ առավոտյան "Ласковый май" խմբի մենակատար Յուրի Գուրովը ավտովթարի է ենթարկվել Ստավրոպոլում և մահացել, РИА Новости – ին հաղորդել է խմբի պրոդյուսեր Անդրեյ Ռազինը։

Ռազինի խոսքերով՝ ավտովթարը տեղի է ունեցել մոսկովյան ժամանակով մոտավորապես ժամը 6։00 Պրիվոլնոյե և Կրասնոգվարդեյսկոյե գյուղերի միջև։

Ըստ ГИБДД – ի ունեցած տվյալների՝ Կամազ մակնիշի բեռնատարը ուժգնությամբ բախվել է Վոլքսվագեն մակնիշի ավտոմեքանային, որի հետևանքով վերջինիս վարորդն ու ուղևորը տեղում մահացել են։

Բեռնատարի անձնակազմը չի տուժել։ ՃՏՊ – ի պատճառներն ու հանգամանքները պարզաբանվում են։

«Գուրովը տեղում մահացել է։ Նա խմբի առաջին մենակատարն էր։
Տեղի է ունեցել ճակատային բախում Կամազին։ Յուրան չէր ղեկին։ Մեքանան կառավարում էր նրա ընկերը՝ Կրասնոգվարդեյսկոյե գյուղի բնակիչը», - պատմել է Ռազինը։

Նշենք որ, Գուրովը աշխատել է խմբում հինգ տարի և հենց նա է "Ласковый май" նախագծի հեղինակը, միայն հետո էր խմբին միացել Յուրի Շատունովը։

Այս ողբերգությունը տեղի է ունեցել խմբի 25-ամյա հոբելյանին ընդառաջ։ Առաջին կոլեկտիվի տաս անդամներից Յուրի Գուրովն արդեն 5-րդն է, որ զոհվել է: 

«Սա սարսափելի դժբախտություն է, որ կոտրվեց մեր գլխին, մենք բոլորս ցնցված ենք։ Գուրովը լավագույններից լավագույններ է խմբի պատմության մեջ։ Անշուշտ սա անդառնալի կորուստ էր», - ասել է Ռազինը։

Խմբի պրոդյուսերն ավելացրեց նաև, որ 1993 թ –ին, երբ խումբը ցրվեց, Գուրովը Մոսկվայում չմնաց։ Վերադարձավ Պրիվոլնոյե գյուղ և մնաց ապրելու մոր հետ։ Այնտեղ էլ ամուսնացավ։ Ուներ երկու դուստր։ Մեկը 15, մյուսի 2 տարեկանն էլ  դեռ նոր էր բոլորել։
Ռազինի խոսքերով՝ Յուրայի ընտանիքին կցուցաբերվի համապատասխան օգնություն։

Հիշեցնենք, որ  "Ласковый май" –ը խորհրդային շրջանի վերջին ժամանակահատվածում հեղաշրջեց հայրենական փոփ-կուլտուրան։ Իր գոյության ընթացքում խումբը տվել է բազմաթիվ համերգներ՝ լեփ-լեցուն դահլիճներով և ձեռք է բերել միլիոնավոր երկրպագուներ։