Նավթավերամշակման գործարանում տեղի ունեցած պայթյունի հետևանքով զոհվածների թիվը հասավ 24-ի

Վենեսուելայի խոշորագույն նավթավերամշակման գործարանում այսօր տեղի ունեցած պայթյունի հետևանքով զոհվածների թիվը հասել է 24-ի, վիրավորներինը՝ 53-ի, հայտնում է Ասոշիեյթիդ Պրես գործակալությունը՝ հղում կատարելով տեղական իշխանություններին:

Նշենք, որ ավելի վաղ ԶԼՄ-ները հայտնում են 19 զոհերի մասին: 

Ֆալկոնի նահանգապետ Ստելլա Լուգոյի (Stella Lugo) խոսքերով՝ զոհվածների թվում 10-ամյա մի տղա կա:

Հիշեցնենք, որ պայթյունը տեղի է ունեցել վաղ առավոտյան՝ երկրի խոշորագույն Paraguana Refining Center նավթավերամշակման գործարանում, որը գտնվում է Ամուայ նավահանգստային քաղաքի մոտակայքում՝ Պարագուանա թերակղզում: Պայթյունի պատճառները դեռևս չեն պարզվել: