ԿԺԴՀ առաջնորդի ուղերձը ԱՄՆ-ին և Հարավային Կորեային

ԱՄՆ և Հարավային Կորեայի պրովակացիոն գործողություններն ու "Ulji Freedom Guardian" ռազմական զորավարժությունները արժանի են լրջագույն քննարկման: Ասել է ԿԺԴՀ առաջնորդ Կիմ Չեն Ինը իր հոր Կիմ Չեն Իրի նախագծած և իրականացրած «Սոնգուն»՝ բանակի առաջնահերթության քաղաքականության 52-ամյակին նվիրված ճաշկերույթին,-հաղորդում է ИТАР-ТАСС-ը:

«Հակառակորդի կողմից որևէ ոտնձգություն արժանի հակահարձակում կստանա և վերջ կդնի սրբազան գործին' մեծ հայրենիքի վերամիավորմանը>>,-զգուշացրել է ԿԺԴՀ առաջնորդը:

Ըստ առաջնորդի, նա արդեն հասցրել է «ուսումնասիրել եւ հավանության արժանացել օպերատիվ պլանը», ավելին' զինվորներն ու սպաները սրտատրոփ սպասում են հրամանին մարտնչելու ԱՄՆ-ի և հարավկորեական ռեժիմի դեմ:

«Մեր դիրքորոշումն է ակնթարթորեն արձագանքել հակառակորդի կողմից որևէ ագրեսիվ գործողություններ և պատերազմել հանուն հայրենիքի վերամիավորման»,-ասել է նա:

«Մենք չենք պատրաստվում ձեռքերս ծալած նստել և հետևել հակառակորդի պրովոկացիոն գործողություններին և կձեռնարկենք համապատասխան միջոցներ պաշտպանելու մեր գերիշխանությունը»,-ավելացրել է Կիմ Չեն Ինը:

Նշենք որ, Կորեական թերակղզու տարածքում ամեն տարի ամերիկայան և հարավկորեական ուժերն համատեղ անցկացնում են Ulji Freedom Guardian" զորավարժությունները' մասնակցությամբ 56 հազար հարավկորեացի մարտիկների և 30 հազար ամերիկյան զինվորների ու սպաների: