Կիմ Չեն Ընը պայթեցրել է Սեուլի հետ կապի գրասենյակը՝ կնոջը «արատավորող» լուսանկարների պատճառով (լուսանկարներ)

Հյուսիսային Կորեայի նախագահ Կիմ Չեն Ընը այնքան է զայրացել իր կնոջ մասին «կեղտոտ, վիրավորական» լուսանկարներով թռուցիկներից, որոնք ուղարկվել էին Հարավային Կորեայի պաշտպանների կողմից նախաձեռնված արշավի շրջանակներում, որ պայթեցրել է Սեուլի հետ կապի գրասենյակը և սպառնացել ռազմական գործողություններ իրականացնել։ Թռուցիկները, որոնք անցել են խիստ պահպանությամբ հսկվող սահմանը, քարոզչական մարտավարություն են, որը երկու երկրներն օգտագործում են Կորեական պատերազմից ի վեր: Մայիսի 31-ին սահմանը հատել են այնպիսի թռուցիկներ, որոնք ներառում էին առաջին տիկին Ռի Սոլ Ջուի սադրիչ լուսանկարները։ Դրանք Փհենյանում «լուրջ վրդովմունք են առաջացրել», հայտնում է Agence France-Presse- ը։ Մասնագետները փաստում են, որ դրանք բավականին վատորակ ֆոտոշոփ արված լուսանկարներ են։ Ավելի ուշ՝ հունիսի 16-ին, Սեուլի հետ կապի գրասենյակը, Կին Չեն Ընի հրամանով, պայթեցվել է՝ ավելի խորացնելով առկա հակամարտությունը։ Հաջորդ օրը Փհենյանը հայտարարել է, որ կվերսկսի զորավարժությունները՝ սահմանամերձ քաղաքներում խթանելու պատրաստականությունը։