Արաբագետները գլուխ են կոտրում՝ «Առջևում Լիբանա՞նն է»

Օր օրի ուժգնացող Սիրիական հակամարտության ալիքը ամենայն հավանականությամբ կարող է տեղափոխվել հարևան Լիբանան։

Վերջերս Լիբանանի հյուսիսային Տրիպոլի քաղաքում սուննիների և ալավիթների հակամարտության արդյունքում զոհվել է 12 մարդ, վիրավորվել՝ 100-ը։

Բանակի միջնորդության շնորհիվ հնարավոր է դարձել կանխել անկարգությունները և կանգնեցնել հետագա արյունահեղությունը։ Սրա հետ կապված՝ վերլուծաբանները կանխատեսում են, որ զինված հակամարտությունը Լիբանում վտանգավոր թափ է հավաքում։ Արաբագետները գլուխ են կոտրում՝ «Առջևում Լիբանա՞նն է» հարցի շուրջ, հաղորդում է inosmi.ru-ն՝ հղում անելով թուրքական Milliyet պարբերականին։
«Կարո՞ղ է արդյոք անելանելի վիճակում գնտվող Բաշար Ասադը Լիբանանի մասսայական անկարգությունների պատճառ լինի»։
Ըստ Լիբանանի խորհրդարանի անդամներից մեկի՝ Ասադի նպատակն է աշխարհին հասցնել հետևյալ միտքը. «Եթը Սիրիան անհագիստ է, ապա դա անհապաղ կանդրադառնա հարևան երկրների վրա։ Տարածաշրջանում խախաղության հաստատման միակ միջոցը Սիրիայի հակամարտության խաղաղ հանգուցալուծումն է»։

Նշենք, որ որոշ վերլուծաբանների կարծիքով, Ասադն առաջնորդվում է հետևյալ կարգախոսով՝ «Ինձանից հետո՝ թեկուզ ջրհեղ»։ Այսպիսով, նա համարձակվում է տարածել «բոցկլտացող կրակը» ամբողջ տարածաշրջանով մեկ։

Սիրիական գործոնի հավանական ազդեցությունը կարելի է տեսնել նաև Քրդստանի աշխատանքային կուսակցության գործողությունների մեջ։
Այս խնդրի առանցքային կետ կարելի է համարել Լիբանանի վարչապետ Նաջիբ Միքաթիի ուղերձը ազգաբնակչությանը. «Մենք թույլ չենք տա Լիբանանը ներքաշել պատերազմական գործողությունների մեջ։ Մենք չպետք է թողնենք, որ մեզ օգտագործեն ի շահ «ուրիշի» պատերազմի»։
Տրիպոլիի դեպքերից հետո իրավիճակը հսկողության տակ է, հաստատվել է հրադադար։ Սակայն սուննիների և ալավիթների միջև բորբոքվածությունը դեռ չի մարել, ավելին՝ մի շարք էթնիկ և կրոնական խմբավորումներ շարունակում են հակամարտությունը։