Պատգամավորների բախտը բերել է․ կորոնավիրուսը տանում են առանց ախտանշանների
Քաղաքական
Օրերս ԼՈՒՐԵՐ.com-ը կազմել էր ցանկ, թե պատգամավորներից ովքեր են վարակվել կորոնավիրուսով: Հետաքրքվել ենք նրանցից յուրաքանչյուրի առողջական վիճակով:
«Իմ քայլի» պատգամավոր Լիլիթ Ստեփանյանը մեզ հետ զրույցում նշեց, որ ինքնազգացողությունը լավ է. «Ջերմություն չունեմ, բժշկի հսկողության տակ եմ, ընդունում եմ վիտամիններ և այլ դեղամիջոցներ. սպասում եմ, թե երբ կլրանա 14-րդ օրը»:
Հայկ Գևորգյանը ևս չունի ախտանշաններ. «Շատ լավ եմ զգում ինձ, լրացել է ինքնամեկուսացման 8-րդ օրը»: Պատգամավորը հավելեց, որ շուտ ապաքինվելու լավագույն միջոցը բոլոր ցուցումներին հետևելն է:
Կարեն Համբարձումյանը ինքնամեկուսացել է տանը և հետևում է բժշկի բոլոր ցուցումներին. «Ինքնազգացողությունս շատ լավ է, ընդունում եմ նշանակված դեղամիջոցները»: Պատգամավորը հավելեց, որ ինքնամեկուսացման 4-րդ օրն է և առողջություն մաղթեց բոլոր հիվանդներին:
«Բարգավաճ Հայաստան» խմբակցության փոխնախագահ Վահե Էնֆիաջյանը անհամբեր սպասում է, թե երբ է դուրս գալու ինքնամեկուսացումից. «Լրացել է ինքնամեկուսացման 9-րդ օրը, ես ինձ լավ եմ զգում, հիմա չունեմ որևէ ախտանշան»:
«Լուսավոր Հայաստան» խմբակցությունից Գևորգ Գորգիսյանը միակ պատգամավորն է, ով վարակվել էր. լրացել է պատգամավորի ինքնամեկուսացման 14-րդ օրը. «Իմ առողջական վիճակը շատ լավ է, արդեն գնում եմ աշխատանքի»:
Ամենադիտված 
Մնաս բարյավ. Րաֆֆի Հովհաննիսյան
