«Երևանի մշակույթի պետական քոլեջը» կռվախնձոր է դարձել
Հայաստան
ՀՀ կառավարության՝ ապրիլի 23-ին տեղի ունեցած նիստի ժամանակ, որոշում կայացվեց, որ ՀՀ կրթության, գիտության, մշակույթի և սպորտի նախարարության «Երևանի մշակույթի պետական քոլեջ» և «Երևանի էստրադային ու ջազային արվեստի պետական քոլեջ» պետական ոչ առևտրային կազմակերպությունները միաձուլվելու են՝ ստեղծելով ԿԳՄՍՆ «Երևանի Շառլ Ազնավուրի անվան մշակույթի պետական քոլեջ» պետական ոչ առևտրային կազմակերպությունը:
«Երևանի մշակույթի պետական քոլեջ»-ը ղեկավարում է Վրեժ Կիրակոսյանը։ Մամուլում լուրեր են տարածվել, ըստ որի նախարար Արայիկ Հարությունյանը երրորդ մարդ ունի այդ կառույցի ղեկավարի պաշտոնի համար: Վրեժ Կիրակոսյանը ԼՈՒՐԵՐ.com-ին խոստացավ այդ հարցի շուրջ պարզաբանում տալ երկուշաբթի։
Ըստ մեկ այլ տեղեկության՝ ԿԳՄՍ նախարարի օգնական Արման Անդրիկյանը միջնորդել է, որպեսզի «Երևանի մշակույթի պետական քոլեջ»-ը ղեկավարի իր հոր ընկերը։ Նախարարի օգնականը ԼՈՒՐԵՐ.com-ի հետ զրույցում հերքեց այս տեղեկությունը․ «Բնականաբար, նման բան չկա, չի էլ կարող լինել, այդ լուրն իրականությանը չի համապատասխանում, չեմ էլ կարող ենթադրել, թե ում երևակայության արգասիքն է»։
Անդրիկյանը հավելեց, որ այս թեմայով ավելացնելու ոչինչ չունի ու չի պատրաստվում խոսել:
ՈՒՂԻՂ ԵԹԵՐ
Ամենադիտված 
Կյանքից հեռացել է Տիգրան Ղազարյանը
