Իսրայելի վարչապետը սպառնում է Լիբանանին

Իսրայելական «Հաարեց» պարբերականը Իսրայելի վարչապետ Բենիամին Նեթանյահուի՝ Լիբանանի հասցեին ուղղված սպառնալիքներով հոդված է հրապարակել, հաղորդում է MIGnews.com-ը։

Հոդվածն ակնթարթորեն արտատպվել է արաբական ԶԼՄ-ների կողմից։ Մի քանի շաբաթ առաջ Նեթանյահուն իբր զգուշացում է արել «արևմտյան դիվանագետին Երուսաղեմում»։

Ամերիկացի դիվանագետի հետ զրույցում, որին մասնակցել է նաև «Հաարեց» պարբերականի աղբյուրը, վարչապետն իբր հայտարարել է, որ «Հզբոլա»-ն դիտարկում է որպես լիբանանյան կառավարության բաղկացուցիչ մաս։ Նրանց կողմից Իսրայելը գնդակոծելու որևէ գործողություն կստանա իր արժանի պատասխանը՝ լինի դա Լիբանանի, թե «Հզբոլա»-ի դեմ։

Նեթանյահուն հայտարարել է նաև, որ իրենց տեսանկյունից Լիբանանի կառավարությունը պատասխանատու է այն բոլոր գործողությունների համար, որոնք կատարվում են իր տարածքում։

Նեթանյահուի այս զգուշացումը կարելի է դիտարկել որպես պատասխան Շեյխ Նարսալի՝ օգոստոսի 17-ի հայտարարությանը, որտեղ մասնավորապես ասվում էր. «Եթե Լիբանանը հարձակման ենթարկվի, ես խոստանում եմ դժոխքի վերածել Իսրայելը։ Այդ պատերազմը շատ թանկ կնստի Իսրայելի վրա»։