«Հրապարակ». «Հրայր Զորյանը՝ նախագահականում»

«Հրապարակ»-ը գրում է. «Մեր տեղեկություններով, «Արմենպրես» լրատվական գործակալության նախկին տնօրեն Հրայր Զորյանը շուտով կնշանակվի ՀՀ նախագահի աշխատակազմի հասարակայնության և տեղեկատվության կապերի վարչության աշխատակից։

Վարչության պետը Հրայր Զորյանի մտերիմ Մերի Հարությունյանն է, որը ժամանակին աճել է մասնավորապես նաև Զորյանի շնորհիվ՝ աշխատել է նրա ղեկավարած «Հայլուրում» և այստեղից նկատվել ու առաջ քաշվել կառավարություն, որտեղ, Անդրանիկ Մարգարյանի օրոք, մամուլի վարչությունն էր ղեկավարում»։