BBC Russia. Վրաստանն առաջարկել է վերսկսել վրացական գինիների առաքումը Ռուսաստան

      Ռուսական լրատվամիջոցների հաղորդմամբ՝ այսօր Ռուսաստանի սննդի անվտանգության ղեկավար Գենադի Անիշենկոն հայտարարել է, որ վրացական գինու մատակարարումը Ռուսաստան կարող է վերսկսվել, եթե արտադրողները կարողանան ապացուցել իրենց արտադրանքի որակը:

Ըստ Անիշենկոյի՝ վրացական գինի արտադրողներն առողջապահական առումով իրենց պատրաստակամությունն են հայտնել սկսել գինիների մատակարարումը Ռուսաստան: «Կիրակի օրը ստացա պաշտոնական հայտարարություն յոթ արտադրողների կողմից, ովքեր ցանկանում են վերսկսել արտահանումը ռուսական շուկա», - ասել է Անիշենկոն։

Ըստ Ռուսաստանի սննդի անվտանգության ղեկավարի՝ «Եթե վրացական գինու արտադրողներն ապահովեն ռուսական շուկա մուտք գործելու սահամանված չափանիշները և ամենակարևորը կարողանան ապահովել համապատասխան որակը, Ռուսաստանը որևէ խոչընդոտ չի ստեղծի ներմուծողների համար»։

Հիշեցնենք, որ Ռուսաստանի սննդի անվտանգության դաշնային ծառայությունը վրացական գինիների և «Բորժոմի» հանքային ջրի ներմուծումը Ռուսաստան արգելեց 2006 թվականի գարնանը։ Պատճառը ցածրորակ արտադրանքն էր։