ԵԱՀԿ-ն կոչ է արել անհապաղ հրադադար հաստատել հայ-ադրբեջանական սահմանին

ԵԱՀԿ նախագահ Էդի Ռաման անհանգստություն է հայտնել հայ-ադրբեջանական սահմանին տիրող լարվածության առիթով։ «Ինձ խորապես անհանգստացնում է բռնությունների աճը, որ մենք տեսնում ենք Հայաստանի և Ադրբեջանի սահմանի երկայնքով։ Ես հորդորում եմ անհապաղ վերադառնալ հրադադարի ռեժիմին՝ նախքան մենք ականատես կլինենք կյանքերի հետագա կորստի», - ասել է ԵԱՀԿ գործող նախագահ, Ալբանիայի վարչապետ և Եվրոպայի Արտաքին գործերի նախարար Էդի Ռաման: Նա նշել է, որ ԵԱՀԿ Մինսկի խմբի համանախագահները և ՀՀ նախագահի անձնական ներկայացուցիչ, դեսպան Անջեյ Կասպրշիկը, սերտ կապի մեջ են կողմերի հետ և աշխատում են իրավիճակը կայունացնելու ուղղությամբ: Նրա խոսքով՝ Հայաստանի և Ադրբեջանի ղեկավարների միջև ստեղծվել է ուղիղ կապ 2019 թվականին Վիեննայում կայացած իրենց հանդիպման ժամանակ՝ Մինսկի խմբի համանախագահների հովանու ներքո: Ռաման հույս է հայտնել, որ նման մեխանիզմները կարող են օգտագործվել իրավիճակը կայունացնելու համար: Նա զորակցություն է հայտնել զոհվածների ընտանիքներին և անհանգստություն հայտնել վիրավորների շուտափույթ ապաքինման համար։ «Մենք բոլորս պետք է անենք հնարավոր ամեն բան՝ նվազեցնելու հակամարտության պատճառով մարդկային կորուստները, և որքան հնարավոր է շուտ վերսկսենք բուն բանակցությունները», - ասել է Ռաման՝ ընդգծելով իր աջակցությունը Մինսկի գործընթացին: