Հոկտեմբերին իր մասշտաբներով նմանը չունեցող համապետական զորահավաք կանցկացվի

«Երկրի ղեկավարությունը որոշել է հոկտեմբերին իր մասշտաբներով նմանը չունեցող համապետական զորահավաք անցկացնել: Նախատեսված է հավաքել մինչև 58 տարեկան մի քանի տասնյակ հազար պահեստային շարքայինների ու սպաների:

Հոկտեմբերի 1-10-ը կազմակերպվող զինավարժությունը պատշաճ կազմակերպելու համար պաշտպանության նախարարությունը դիմել է կառավարությանը՝ տեղեկացնելով, որ իր ուժերից վեր է այդքան մարդկանց հավաքելը, և խնդրել է տեղական ինքնակառավարման մարմինների աջակցությունն այդ հարցում:

Տեղական զինկոմիսարիատների հետ քաղաքապետարաններն ու թաղապետարաններն արդեն լծվել են զորահավաքի աշխատանքներին:

Նշենք նաև, որ զորավարժությունը զուտ խաղաղ նպատակներով է անցկացվելու: Ի դեպ՝ ամենատարբեր հիմնարկների որոշ ղեկավարներ նույնպես կզորակոչվեն: Ծրագրված է առանձին օրաթերթերի գլխավոր խմբագիրների կտրել իրենց գործից ու «հրավիրել» բանակ («Հայացք»-ի գլխավոր խմբագիրն արդեն ստացել է զորահավաքի ծանուցագիր և ներկայացել զինկոմիսարիատ)»,– գրում է «Հայացք»–ը։