Թուրքիան Ռուսաստանից ձեռք կբերի S-400-ի լրացուցիչ խմբաքանակ

Մոսկվան ոչ մի խոչընդոտ չի տեսնում Թուրքիայի՝ ռուսական կողմից S-400 Triumph հակաօդային պաշտպանության համակարգերի լրացուցիչ խմբաքանակ ձեռք բերելու հարցում, ասել է ՌԴ արտաքին գործերի նախարարության չորրորդ դեպարտամենտի տնօրեն Յուրի Պիլիպսոնը: «Ինչ վերաբերում է Թուրքիայի՝ S-400 Triumph հակաօդային պաշտպանության համակարգերի լրացուցիչ խմբաքանակ ձեռք բերելու հնարավորությանը, մենք չենք տեսնում որևէ հիմնարար խոչընդոտ», - ասել է Պիլիպսոնը: Ռուսական С-400 հակաօդային պաշտպանության վերջին համակարգերի առաքումները, որոնք ճգնաժամ են առաջացրել Միացյալ Նահանգների հետ Թուրքիայի հարաբերություններում, սկսվել են 2019 թվականի հուլիսի կեսերից: Վաշինգտոնը պահանջել է հրաժարվել գործարքից և փոխարենը ձեռք բերել ամերիկյան Patriot համալիրներ՝ սպառնալով հետաձգել կամ նույնիսկ չեղարկել վերջին F-35 կործանիչների վաճառքը Թուրքիային, ինչպես նաև պատժամիջոցներ կիրառել: Անկարան հրաժարվել է զիջումների գնալ և շարունակել է բանակցությունները S-400- ների լրացուցիչ խմբաքանակի շուրջ: Թրամփի վարչակազմը դեռևս չի կարողանում իրագործել Թուրքիայի դեմ պատժամիջոցներ կիրառելու իր սպառնալիքը: