ԵԱՀԿ ՄԽ համանախագահները կոչ են անում նախապատրաստվելու լուրջ առարկայական բանակցությունների

ԵԱՀԿ Մինսկի խմբի համանախագահները եւ ԵԱՀԿ գործող նախագահի անձնական ներկայացուցիչ Անջեյ Կասպշչիկը հերթական հայտարարությունն են արել։

Նրանք ողջունում են հարաբերական կայունությունը, որը հուլիսի 16-ից սկսած հաստատվել է Ադրբեջան-Հայաստան սահմանի երկայնքով:

Համանախագահները կոչ են անում կողմերին օգտվել այս վիճակից ՝ նախապատրաստվելու լուրջ առարկայական բանակցություններին ՝ հակամարտության համապարփակ լուծում գտնելու համար:

Համանախագահները մեկ անգամ  եւս կարեւորում են՝ ինչքան կարևոր է զերծ մնալը սադրիչ հայտարարություններից և գործողություններից այս զգայուն ժամանակաշրջանում։

Համանախագահները նշում են, որ իրենց գործունեության քննադատությունը եւ միակողմանի պահանջների առաջ քաշումը կարգավորման ձեւաչափի փոխության համար, նպաստավոր չեն կառուցողական երկխոսության վերսկսման համար:

Նրանք վերահաստատում են, որ տևական խաղաղ կարգավորման հասնելու քաղաքական կամքը լավագույնս դրսևորվում է ` խստորեն պահպանելով հրադադարը և զերծ մնալ սադրիչ հայտարարություններից և գործողություններից:

Նրանք երախտագիտություն են հայտնում միջազգային կազմակերպությունների ղեկավարներին, այդ թվում ՝ ՄԱԿ-ի, ԵԱՀԿ-ի և Եվրամիության առաջնորդներին իրենց ջանքերին նվիրվածության եւ ռազմական գործողությունները դադարեցնելու կոչերի համար։

Համանախագահները վերահաստատում են, որ սկզբունքները և տարրերը, ինչպես ամրագրված են 2019 թվականի մարտի 9-ի իրենց հայտարարության մեջ, մնում են ուժի մեջ Նրանք պատրաստ են ցանկացած պահի հանդիպել ղեկավարների կամ նրանց ներկայացուցիչների հետ:

Համանախագահները նաև շեշտում են, որ ԵԱՀԿ դիտորդները հնարավորության դեպքում կժամանեն տարածաշրջան։