Առաջին մոտոցիկլետը արտոնագրվել է այսօր

1885թ օգոստոսի 29-ին Գերմանիայում գյուտարար Գոտլիբ Դայմլերը արտոնագրեց առաջին մոտոցիկլետը։ 

Ինժեներ Գոտլիբ Դայմլերը զբաղվում էր ներքին այրման շարժիչների ստեղծմամբ, այնուհետև իր գործընկեր Մայբախի հետ հիմնում են իրենց սեփական ֆիրման:

1885թ. Դայմլերի ստեղծած շարժիչը, հաջողությամբ անցնելով փորձարկման փուլը, պատրաստ էր օգտագործման համար: Այն տեղադրելու համար, պարզվեց, ամենահարմար տարբերակը հեծանիվն է և, որն էլ  արտոնագրվեց՝ որպես «նավթե շարժիչով փոխադրման միջոց»։ 

50 կգ-անոց, մեկ ցիլիդրե բենզինե շարժիչով, 264 քառ. սմ աշխատանքային ծավալով, 0,5 ձիաուժ հզորություն ունեցող փայտյա շրջանակով հեծանիվն առաջին անգամ վարել է Մայբախը։