Սուրեն Զոլյանը կհեռանա՞ Հայաստանից

Սուրեն Զոլյանը չի ընդհատել դատավարությունը և այդ լուրերն իրականությանը չեն համապատասխանում: Այս մասին այսօր լրագրողների հետ հանդիպմանն ասաց Վալերի Բրյուսովի անվան լեզվաբանական համալսարանի նախկին ռեկտորը։

Հուլիսի 18-ին տեղի է ունեցել Զոլյանն ընդդեմ Աշոտյանի դատական վերջին նիստը, որի ընթացքում դատավորը հետաձգել է դատավարությունը մինչև օգոստոսի 30-ը։ Դատավարությունը հետաձգվել է  պատասխանող կողմից անհրաժեշտ փաստաթղթեր չներկայացվելու պատճառով։

«Վաղը դատարանում պարզ կդառնա, թե պարոն Աշոտյանը և նախարարության աշխատակիցները ինչ հիմքով են ստուգումներ կատարել մեր համալսարանում և պարզ կդառնա պարոն Աշոտյանը պետական ա՞յր է, ինչպես ինքը նշում էր իր մասին, թե սովորական խաբեբա»,-ասաց Սուրեն Զոլյանը։

Ս.Զոլյանի խոսքով՝ աշխատանքի առաջարկ եղել է եվրոպական համալսարանից, և մինչև հիմա Հայաստանի ոչ մի ԲՈՒՀ-ից նման առաջարկ չի ստացել և կարծում է, որ դա Ա.Աշոտյանի ցուցումով է, որը հիմք է տալիս կարծելու, թե ամեն ինչ արվում է, որպեսզի նա լքի Հայաստանը։