«Ձուկը գլխից է փտում». ովքեր պատասխան տվեցին Զարեհ Սինանյանի տապալման համար

Առավոտյան վարչապետ Նիկոլ Փաշինյանը հրաման է ստորագրել, որով զբաղեցրած պաշտոններից ազատվել են Սփյուռքի հանձնակատարի գրասենյակի միանգամից 10 աշխատակից: Ընդ որում, ուշագրավ է, թե հատկապես որ վարչություններն էին ղեկավարում այդ 10 զոհերը. հենց այն վարչությունները, որոնք տրամաբանորեն պետք է վերջին օրերին լծված լինեին իրենց բուն աշխատանքային պարտականությունների կատարմանը և համակարգեին սփյուռքի գաղթօջախներում ծավալված պայքարը: Հետհեղափոխական Հայաստանում սա առաջին դեպքն է, երբ վարչապետը մեկ օրում նման լայնածավալ չիստկա է կազմակերպում: Ճիշտ է, ազատվածներից չորսը վերանշանակվել են այլ պաշտոնի՝ նույն կառույցում, սակայն պաշտոնի իջեցումն անզեն աչքով էլ ակնհայտ է: 

Ուշագրավ է, որ վարչապետի այս պոռթկումը տեղի է ունենում մի ժամանակ, երբ Սփյուռքի հարցերով գլխավոր հանձնակատար Զարեհ Սինանյանը վայելում է արձակուրդը: Հետաքրքիր է, թե ինչ պետք է փոխվի կառույցում, եթե չի փոխվում այդ կառույցի աշխատանքի որակի և արդյունավետության համար թիվ մեկ պատասխանատուն: Տպավորություն է, որ այդ 10 հոգին ընդամենը քավության նոխազներ էին, իսկ Սինանյանը որևէ կապ չունի իր գոյությունը որևէ կերպ չարդարացնող այս կառույցի հետ: 

Սահմանային լարվածության օրերին Սինանյանը մի պահ հայտնվել էր, սակայն ոչ թե օրվա թեմայի շուրջ հայտարարություն անելու, այլ իրեն քննադատողներին պիտակավորելու համար: Նա համոզված է, որ իր ղեկավարած կառույցի աշխատանքները քննադատողները կա՜մ բացասական մարդիկ են, կա՜մ ծախված են: Հետաքրքիր է՝ մեկ օրում Սինանյանի կառույցի 1/3-ին աշխատանքից ազատած վարչապետը այդ երկու խմբերից ո՞ր մեկին է պատկանում, հիմա Փաշինյանը բացասակա՞ն մարդ է, թե՞ ծախված է՝ Սինանյանի տրամաբանությամբ: Մի բան ակնհայտ է. վերջին շրջանում Զարեհ Սինանյանին հրաժեշտ տալու մասին ակտիվորեն շրջանառվող լուրերը, կարծես թե, սկսվում են միս ու արյուն ստանալ… 

Այս թեմայով Ցանկացած ճգնաժամ գիտելիքի պակասից է, մեր բոլոր պրոբլեմների լուծման բանալին կրթությունն է. Նիկոլ Փաշինյան Ամեն անգամ, երբ թվում է՝ ցինիզմը, այնուամենայնիվ, սահմաններ ունի, Փաշինյանը հակառակն է ապացուցում. Սուրեն Սուրենյանց Ինչու Փաշինյանը արհամարհեց Բայդենի «հրաժեշտի» ընդունելությունը․ Սուրեն Սարգսյան Փաշինյանի և Ալիևի հնարավոր հանդիպման հարցը կախված է բացառապես նրանցից․ Լավրով Ցավալի է, որ խորանի առջևից հետևում է Ամենայն Հայոց դավաճանը՝ մարդ, ում «ջանքերով» պղծվել են տասնյակ ու տասնյակ օծյալ խորաններ. Ռուբեն Մելիքյան