Բացե՛ք սահմանները․ տուրիզմը փլուզումից փրկելու համար պետական աջակցություն է հարկավոր (տեսանյութ)

«Անհրաժեշտություն է, որ մենք զբոսաշրջության ոլորտի վերականգնումը սկսենք ներքին զբոսաշրջությունից։ Լավագույն սցենարն է և բոլորիս հույսն է, որպեսզի գոնե աշնանը բացենք սահմանները և միջազգային զբոսաշրջությունը նույնպես սկսի վերականգնման գործընթացը։ Այդ դեպքում զբոսաշրջության ոլորտի հիմնական վերականգնման գործընթացը կսկսի հաջորդ տարվա ապրիլից»,- ԼՈՒՐԵՐ․com-ի հետ զրույցում ասաց Տուրիզմի հայկական ֆեդերացիայի նախագահ Մեխակ Ապրեսյանը։

Նրա խոսքով՝ տուրիզմի ոլորտը փլուզումից փրկելու համար պետական աջակցություն է հարկավոր, ուստի իշխանության ներկայացուցիչների հետ ակտիվ հանդիպումներ և քննարկումներ են ունենում։

Անդրադառնալով՝ քաղաքացիների դժգոհություններին, թե հանգստյան տներն արհեստականորեն բարձրացրել են գները և հրաժարվում են նվազագույն ժամկետով զբոսաշրջիկ ընդունել, Ապրեսյանը չհամաձայնեց՝ նշելով, որ գուցե մեկ-երկու դեպք է եղել․ «Գների բարձրացում չկա, նույնիսկ նվազում կա։ Մի պահ անհանգստություն կար, որ խիստ գնանկում կա, քանի որ անգամ ինքնարժեքից ցածր գներ էին սահմանվել և ոլորտը գնում էր փլուզման»,- նշեց Ապրեսյանը։ 

Մանրամասները՝ տեսանյութում

Հարցազրույցը՝ Սոնա Հարությունյանի